2015 yili Portugaliya terma jamoasining sobiq futbolchisi Ugu Almeyda Rossiyaning «Kuban» va «Anji» klublari sharafini himoya qilgandi.
Ayni paytda u Gresiyaning AYEK jamoasida faoliyat yuritmoqda. Mazkur klub Chempionlar Ligasining 3-saralash raundida Moskvaning SSKAsiga qarshi bahs olib boradi. Shu munosabati bilan Championat.com sayti Almeyda bilan suhbat uyushtirdi.
- Qur’a natijalarini jamoadoshlaringizdan bilib oldingizmi?
- Internetda ko‘rdim.
- Nima haqida o‘yladingiz?
- Bizga doimiy ravishda Rossiya chempioni bo‘lib yurgan kuchli raqib to‘g‘ri kelgani haqida o‘yladim. Bunday jamoa to‘sig‘idan o‘tish juda qiyin.
- SSKA favoritmi?
- Kim favoritligini bilmayman. Shunchaki, biz uchun qiyin o‘yinlar bo‘ladi. Shu narsa aniqki, ikkita bir-biriga munosib raqib to‘qnash keladi. Xuddi biz Gresiya chempionatiga tayyordek, SSKA ham Rossiya chempionatiga shay. Ular shu haftadayoq chempionat bahslarini boshlashadi. O‘zaro uchrashuvimizga qadar SSKA keragicha o‘yin va mashg‘ulotlarni o‘tkazgan bo‘ladi. Biz mavsumga 17 kun tayyorlanamiz. Hozir Polshada yig‘in o‘tkazyapmiz. Bugun uchinchi nazorat o‘yinimizni o‘tkazamiz. Hozircha hammasi yaxshi ketyapti va 26 iyulga qadar ajoyib formada bo‘lamiz. Mavsumni keyinroq boshlaganimiz bizni kuchsiz yoki kuchli qilib qo‘ymaydi. Nima qilgan taqdirda ham o‘yinga jangovar kayfiyatda bo‘lamiz.
- O‘tgan mavsumda AYEK ikkinchi o‘rinni egalladi. O‘shandan buyon jamoada qanday o‘zgarishlar bo‘ldi?
- Bir necha futbolchi ketdi. 3-4 nafar yangilar keldi. Tarkib biroz yangilandi. Bu barcha uchun odatiy hol.
- SSKA vaqti-vaqti bilan yopiq o‘yin ko‘rsatadi. AYEK qanday harakat qiladi?
- AYEK to‘pni nazorat qilib, o‘yin tizginini ushlab turishni yoqtiradi. Ammo SSKAning hujumlar uchun deyarli imkoniyat bermasligini yaxshi bilaman. Moskvaliklar tarkibida tajribali futbolchilar yetarli. Darvozabon va himoyachilar ko‘p yillardan buyon birga o‘ynashadi.
- Birinchi o‘yin Gresiyada bo‘ladi. Bu qandaydir muhim ahamiyat kasb etadimi?
- Albatta, birinchi uchrashuvning Moskvada o‘tishini istardim. Lekin qo‘rqinchli joyi yo‘q. Uydagi uchrashuvda o‘zimizga imkoniyat yaratishga harakat qilamiz. Shu narsa aniqki, SSKA o‘z maydonida ancha kuchli.
- AYEKning stadioni SSKAnikidan ikki baravar katta. Afinadagi o‘yinga 70 000 tomoshabin kiradimi?
- Bunga umid qilaman. Agar shunday bo‘lsa, SSKAga yetarlicha tashvish tug‘dira olamiz.
- Jamoangiz oldin SSKA sharafini himoya qilgan Chosich bilan shartnoma imzoladimi?
- Yo‘q. Uning oldin SSKAda o‘ynaganini bilmas ekanman.
- Siz SSKA darvozasini ishg‘ol qilgansiz.
- Albatta. O‘sha uchrashuvni juda yaxshi eslayman. O‘shanda «Kuban»da o‘ynardim. Moskvaliklar bilan Rossiya kubogining yarim finalida to‘qnash kelganmiz.
- Rossiyada kimlar bilan aloqani saqlab qolgansiz?
- «Lokomotiv»dagi Manuel Fernandesh va «Kuban»dan «Dinamo»ga o‘tgan Antonio Sos (Anton Sosnin)lar bilan qo‘ng‘iroqlashib turaman.
- SSKAning qaysi futbolchilarini eslab qolgansiz?
- Akinfeev - darvozabon va sardor. Aka-uka markaziy himoyachilarni. Shuningdek, Zagoyev va Yeryomenko ham kuchli.
- Yeryomenkoni kokain tufayli diskvalifikasiya qilishgan. Uning AYEKka qarshi o‘ynamasligi aniq.
- Ana, xolos! Bilmagandim. Yangilikdan bexabar qolibman. Esimdan chiqay debdi. Toshich ham kuchli futbolchi.
- Toshich yaqinda SSKAdan ketdi.
- Nima ham derdim, biz uchun yaxshi bo‘libdi. Yeryomenko va Toshich ajoyib futbolchilar.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
