Toshkentning “Lokomotiv” klubi ikkinchi davra hozirligini sekin-asta poyoniga yetkazmoqda. Jamoa chempionatning hal qiluvchi davrasi starti oldidan o‘z safini bir qator yangi futbolchilar bilan to‘ldirib oldi.
Bugun poytaxtimizdagi “Lokomotiv” stadionida “temiryo‘lchilar”ning yangi o‘yinchilari tanishtiruv marosimi bo‘lib o‘tdi. Taqdimot marosimi avvalida jamoa bosh direktor o‘rinbosari To‘labek Akramov “Lokomotiv”ning ikkinchi davra oldidan tayyorgarligi va yangi o‘yinchilari xususida o‘z fikrlarini bildirib o‘tdi:
- “Lokomotiv” ikkinchi davraga yaxshi hozirlik olib bordi. Jamoamiz xorijda yig‘in ham tashkil etdi. Minskda tashkillashitirilgan yig‘in mobaynida 3 ta o‘rtoqlik o‘yinida ham maydonga tushdik. Qolaversa, tarkibni kuchaytirish borasida ham ish olib bordik. Natijada Bobir Davlatov, Olabiran Blessing Muyiva jamoamizga kelib qo‘shilishdi. Davlatovni ko‘pchilik “Rubin”, “Aktobe”, “Jetisu” jamoalarida o‘ynaganidan xabardor. Muyiva esa ilgari Moldova chempionatida o‘ynagan. Shuningdek, kecha Sanjar Shoahmedovning ham “Lokomotiv”da o‘ynashi oydinlashdi. U bir muddat safimizda shug‘ullanib turgandi. Ana endi Shoahmedov ikkinchi davrani “Lokomotiv”da o‘tkazadigan bo‘ldi. Qolaversa, tajribali mutaxassis Andrey Fyodorov ham “Lokomotiv” murabbiylar shtabida ish boshladi. O‘ylashimcha, jamoamiz ikkinchi davraga tayyor. “Lokomotiv” o‘z ishqibozlarini chiroyli g‘alabalar bilan xursand etadi, - dedi To‘labek Abrarovich.
So‘ngra Andrey Miklyayev hamda jamoa murabbiylar shtabiga yangi qo‘shilgan Andrey Fyodorov ham o‘z fikrlarini bildirishdi:
- Men “Lokomotiv”da ish boshlaganimdan mamnunman. Ushbu klub tuzilganiga hali u qadar ko‘p muddat o‘tmagan bo‘lsa-da, “Lokomotiv” qisqa vaqt ichida yaxshi tuzilma xosil eta oldi. Bu yerda barchadan faqat va faqat futbol haqida o‘ylashgina talab etiladi. Jamoa muvaffaqiyatlariga xissa qo‘shishga urinaman, - dedi Andrey Vitalyevich.
Keyin esa yangi futbolchilarga ramziy tarzda futbolkalar topshirildi. Xususan, Olabiran Blessing Muyivaga “Lokomotiv”ning 19-raqamli futbolkasi topshirildi. Bobir Davlatov esa 24-raqamli futbolkani oldi.
Taqdimot marosimining davomida ushbu ikki futbolchi ham o‘zlarining yangi jamoadagi ilk taassurotlari bilan o‘rtoqlashishdi.
- “Lokomotiv” – O‘zbekistonning yetakchi jamoalaridan biri. Ushbu klub a’zosiga aylanganimdan xursandman. Qo‘ldan kelgancha yaxshi o‘yin ko‘rsatib, “Lokomotiv”ning g‘alabalariga o‘z ulushimni qo‘shishga harakat qilaman, - dedi Bobir Davlatov.
- Men “Lokomotiv” safida bir muddat mashg‘ulotlarda qatnashdim. Jamoa juda ahil ekan. Klubda esa barcha sharoitlar muhayyo qilingan. Ilgari Moldovaning “Saksan” klubida to‘p surgandim. Ana endi O‘zbekistonning eng yetakchi jamosi – “Lokomotiv” futbolchisiga aylandim. Bundan xursandman. Chempionat darajasi ancha yuqori ekan. “Lokomotiv” safida yaxshi o‘yin ko‘rsatib, O‘zbekiston chempionatida g‘alabalarga erishishga urinaman, - dedi Muyiva.
Taqdimot marosimi yakunida esa har ikki futbolchi maydonga chiqib, OAV vakillari uchun maxsus fotosessiyada ishtirok etishdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
