UZREPORT TV va FUTBOL TV telekanallari Yevropa qit’asida start olayotgan eng tomoshabop chempionatlarning eng qiziqarli uchrashuvlarini namoyish etadi. Jumladan, siz Chempionlar ligasi, Yevropa Ligasi, Angliya Premer-ligasi va Ispaniya chempionati (La Liga) translyasiyalarini tomosha qilishingiz mumkin.
Yevropa chempionlar Ligasi
Qayerda tomosha qilish mumkin: UZREPORT TV va FUTBOL TV
Xabaringiz bor, Yevropaning klublar o‘rtasidagi eng nufuzli futbol turniri bo‘lgan UYEFA chempionlar ligasining guruh bosqich uchrashuvlari 12 sentyabrdan start oladi. Hozirda ushbu musobaqaning kvalifikasion bosqich o‘yinlari o‘tkazilmoqda.
UZREPORT TV va FUTBOL TV telekanallari UYEFA chempionlar ligasi so‘nggi kvalifikasiya bosqichining pley-off o‘yinlarini jonli efirda namoyish qiladi. 15-16 avgustda dastlabki pley-off o‘yinlar bo‘lib o‘tsa, javob uchrashuvlari 22-23 avgust kunlariga belgilangan.
Shuningdek, 24 avgust kuni bo‘lib o‘tadigan Yevropa chempionlar Ligasi guruh bosqichiga qur’a tashlash marosimi ham telekanalimizda jonli efirda namoyish etiladi.
Yevropa Ligasi
Qayerda tomosha qilish mumkin: FUTBOL TV
Yevropaning klublar o‘rtasidagi nufuzi jihatidan ikkinchi o‘rinda turuvchi futbol turniri bo‘lgan Yevropa ligasining guruh bosqich uchrashuvlari 14 sentyabrdan start oladi. Hozirda ushbu musobaqaning kvalifikasion bosqich o‘yinlari o‘tkazilmoqda.
25 avgust kuni Yevropa ligasining guruh bosqichiga qur’a tashlash marosimi bo‘lib o‘tadi. FUTBOL TV telekanali mazkur marosimni jonli efirda namoyish qiladi.
14 sentyabrdan esa telekanalimizda Yevropa ligasi guruh uchrashuvlarining translyasiyasi boshlanadi.
Angliya Premyer-ligasi
Qayerda tomosha qilish mumkin: UZREPORT TV va FUTBOL TV
Futbol bo‘yicha dunyodagi eng tomoshabop chempionatlardan biri bo‘lgan Angliya Premyer-ligasining yangi mavsumi boshlanishiga ham oz qoldi. 12 avgust kuni Premyer-liganing 2017/18 yilgi mavsumiga start beriladi.
Butun dunyodagi muxlislar kabi, yurtimizdagi ishqibozlar ham Angliya Premyer-ligasi boshlanishini intiqlik bilan kutishayotgani aniq.
Telekanallar Angliya Premyer-ligasi uchrashuvlarini 12 avgustdan, ya’ni 1-turdan boshlab jonli efirda namoyish qilishni boshlaydi.
Ispaniya chempionati
Qayerda tomosha qilish mumkin: UZREPORT TV va FUTBOL TV
Dunyoning eng boy, eng sovrindor va eng mashhur ikki klubi - Real Madrid va Barselona ishtirok etadigan Ispaniya chempionatining yangi mavsumi boshlanishiga ham oz qoldi. 19 avgust kuni La liganing 2017/18 yilgi mavsumiga start beriladi.
Telekanallar Ispaniya chempionati uchrashuvlarini 19 avgustdan, ya’ni 1-turdan boshlab jonli efirda namoyish qilishni boshlaydi.
Muxlislar e’tiboriga mavsum davomida La ligadan o‘rin olgan qiziqarli va murosasiz uchrashuvlar, Ispaniya chempionatining har bir turida kiritiladigan barcha gollar to‘liq hajmda, yuqori sifatda taqdim etiladi.
Shu bilan birga, butun dunyodagi milliardlab muxlislarni o‘ziga qaratadigan Ispaniya chempionatidan o‘rin olgan ikkita "El klasiko" bahslari ham jonli efirda namoyish qilinadi.
* Muxlislarga eslatib o‘tamiz, ayni damda FUTBOL TV telekanalini O‘zbekiston Kabel televideniyasi, DVB-T2 formatidagi “UzDigital TV” televizion tarmoqlarida, shuningdek, provayderlarning IPTV hizmati foydalanuvchilari tomosha qilishlari mumkin.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
