Bugun Qarshi shahridagi “Markaziy” stadionimizda katta futbol. “Nasaf” Toshkentning “Bunyodkor” jamoasini qabul qiladi. Bu uchrashuvga bo‘lgan qiziqish juda yuqori.
Uchrashuv soat 19:30da boshlanadi. Uchrashuvda navoiylik hakam Zokirjon Qodirov boshchiligidagi hakamlar ishlashadi.
Jamoamiz bu yil Oliy Ligada 20- ishtirokini davom ettirayapti. Bugungisi 606-uchrashuv sifatida tarix sahifalaridan joy oladi. “Nasaf” bugun chempionatdagi 340-g‘albasini nishonlashi mumkin.
Jamoamiz bugun bu yilgi XXVI O‘zbekiston chempionatida o‘nta uchrashuvni safarda o‘tkazdi. Bo‘lajak uchrashuv uy uchrashuvlarining sakkizinchisi hisoblanadi. Jamoamiz joriy chempionatdagi uy uchrashuvlarida hali bironta klubga mag‘lub bo‘lgan emas. Ishonamizki, bugun ham shunday bo‘ladi.
Mazkur jamoalarning Qarshida bo‘lib o‘tgan o‘zaro uchrashuvlari tarixiga nazar tashlaydigan bo‘lsak, shu paytgacha 10 marta tuqnash kelishgan. Natijalar teng. Ya’ni jamoalar 2tadan g‘alaba va 6 uchrashuvda durang natijalarni qayd etishgan. Darvozalarga kiritilgan gollar bo‘yicha, kichik ustunlik “Nasaf” tomonida - 6:5.
Qiziqarlisi, jamoamiz Qarshida “qaldirg‘ochlar”ni so‘nggi bor 2014 yilgi chempionatda mag‘lubiyatga uchratgan. “Bunyodkor” esa Qarshida oxirgi marta 2010 yili g‘alabaga erishgan.
Shubhasiz, bugun bu natijalar yangilanadi.
O‘tgan turda jamoamiz Buxoroda maydon egalariga alamli tarzda yutqazib qo‘yishdi. “Bunyodkor” esa “Olmaliq”ni o‘z maydonida kichik 1:0 hisobida taslim etdi.
Mazkur jamoalar o‘rtasidagi birinchi davra uchrashuvida “Bunyodkor” 3:2 hisobida ustunlikka erishgan edi. Bugun “ajdarlar” bu natija tasodif ekanligini isbotlashlari talab etiladi.
Bugun nafaqat har ikkala klub murabbiylariyu, futbolchilarini balki muxlislarini ham katta sinov kutib turibdi.
Bugun “Nasaf” muxlislari stadionda 12-futbolchi rolini o‘ynashlari kerak bo‘ladi. Zero, bu qo‘llab-quvvatlash maydonga tushgan futbolchilarimizga katta dalda bo‘ladi.
Umid qilamizki, bu amalga oshadi. Chunki, jamoamizning mana shunday sadoqatli va jonkuyar muxlislari juda ko‘p.
Xullas, bugun “Markaziy”ga tashrif buyurgan muxlislar ajoyib futbol o‘yiniga guvoh bo‘lishadi.
Shunday ekan, “Markaziy” stadionimiz Sizga muntazir, aziz klubimiz ishqibozlari!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
