Avvalroq O‘zbekiston milliy chempionati doirasida o‘tkaziladigan o‘yinlar, aniqrog‘i, turli viloyatlar derbilari va ularda kuzatiladigan murosasiz kurashlar haqida hikoya qilishni boshlagandik.
Bugun ushbu mavzuni davom ettirgan holda, navbatdagi prinsipial qarama-qarshiliklar xususida so‘z yuritamiz.
QASHQADARYO DERBILARI
«NASAF» - «MASH’AL»
O‘zaro uchrashuvlar soni: 29ta
«Nasaf» g‘alabasi: 15ta
«Mash’al» g‘alabasi: 8ta
Duranglar: 6ta
Urilgan gollar soni: «Nasaf» - 46; «Mash’al» - 27.
«Nasaf»ning eng yirik g‘alabasi: 3:0
«Mash’al»ning eng yirik g‘alabasi: 4:1
Qashqadaryo derbilari futbolimiz jamoatchiligida katta qiziqish uyg‘otishi barchaga ma’lum. Xususan, «Nasaf» hamda «Mash’al» jamoalari o‘rtasida kechadigan bahslar aksariyat hollarda ko‘psonli ishqibozlar guvohligida o‘tadi. Bunday o‘yinlarda har bir klub maydonga 6 ochko ilinjida tushadi, desak aslo mubolag‘a bo‘lmasa kerak. Ta’kidlash kerakki, ushbu ikki jamoa milliy chempionatlarimizda 29 marta o‘zaro bahs olib borishgan. O‘yinlardagi ustunlik qarshiliklar tomonida. «Nasaf» futbolchilari 15ta bahsda zafar quchishgan. «Gazchilar» esa 8ta o‘yinda maydonni boshlari baland holda tark etishgan. Yana 6ta uchrashuv durang bilan yakuniga yetgan. «Ajdarlar» so‘nggi yillarda «Mash’al»ga kamdan-kam o‘yinlarda imkoniyatni boy berishmoqda. Qarshi shahri sharafini himoya qiladigan klub muborakliklarni 2015 yilda o‘z maydonida 3:0 hisobida yenggandi. Mana shu g‘alaba «Nasaf» uchun ushbu qarama-qarshilikda eng yirigi bo‘lib turibdi. «Mash’al» esa «ajdarlar» ustidan eng yirik hisobdagi g‘alabasini 2007 yilda qozongan. O‘shanda «gazchilar» raqibni 4:1 hisobida taslim etishgandi.
«SHO‘RTAN» - «NASAF»
O‘zaro uchrashuvlar soni: 23ta
«Sho‘rtan» g‘alabasi: 5ta
«Nasaf» g‘alabasi: 17ta
Durang: 1ta
Urilgan gollar soni: «Sho‘rtan» - 24; «Nasaf» - 52.
«Sho‘rtan»ning eng yirik g‘alabasi: 3:2
«Nasaf»ning eng yirik g‘alabasi: 5:0
Vohaning yana bir derbisi «Sho‘rtan» hamda «Nasaf» o‘rtasida kechadi. Ushbu jamoalarning o‘zaro qarama-qarshiligida «ajdarlar» kattagina ustunlikka egalar. Qarshilik futbolchilar o‘zaro uchrashuvlarning 23tasidan 17tasini o‘z foydalariga hal etishgan. «Sho‘rtan» esa 5 martagina zafar quchgan. G‘uzorliklar ushbu raqibni so‘nggi bor 2011 yilda mag‘lub etishni uddalashgandi. O‘shandan buyon «Nasaf» «Sho‘rtan»ga mag‘lub bo‘lmay kelmoqda. Qarshi jamoasi g‘uzorliklarni yirik hisoblarda ko‘p bor mag‘lub etgan. Eng yirik g‘alaba esa 2011 yilda Qarshidagi «Markaziy» stadionida qayd etilgan. O‘shanda OFK kubogi-2011 g‘olibligi uchun bahs olib borayotgan «Nasaf» milliy chempionat birinchi davrasida «Sho‘rtan» darvozasiga javobsiz 5ta gol urgandi.
«MASH’AL» - «SHO‘RTAN» va TOSHKENT VILOYATI DERBISI
DAVOMI
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
