Janubiy Koreyaning Yanggu shahrida og‘ir atletika bo‘yicha Osiyo Kubogi hamda klublar o‘rtasidagi Osiyo chempionati bahslari start oldi.
2 noyabrga qadar davom etadigan musobaqada terma jamoamiz sharafini 8 nafar erkaklar va 8 nafar qizlar himoya qiladi.
Musobaqada ishtirok etadigan barcha atletlarimizga omad va zafarlar tilagan holda terma jamoamining to‘liq tarkibi bilan tanishtirib o‘tamiz.
Erkaklar
1. Muhammadali Qaxramonov -62 kg.
2. Sarvar Tashtemirov -77 kg.
3. Sunnat O‘sarov -85 kg.
4. Fayzullo Nabiyev -85 kg.
5. Shodilbek Ergashev -94 kg.
6. Otaxon Imomov -94 kg.
7. Akbar Jo‘rayev -105 kg.
8. Aleksandr Li -105 kg.
Ayollar
1. Maxliyo Tog‘oyeva -48 kg.
2. Muattar Nabiyeva -58 kg.
3. Shaxlo Abdullayeva -58 kg.
4. Kumush Fayzullayeva -63 kg.
5. Tursunoy Jabborova -69 kg.
6. Manzura Mamasaliyeva -69 kg.
7. Omadoy Otaqo‘ziyeva -75 kg.
8. Dolera Davronova -90 kg.
Musobaqalarning tantanali ochilish marosimi oldidan O‘zbekiston og‘ir atletika federasiyasi raisining birinchi o‘rinbosari, Osiyo og‘ir atletika federasiyasi vise-prezidenti Shahrillo Mahmudov Janubiy Koreya og‘ir atletika federasiyasi Prezidenti Von Sung-Liga milliy urf odatlarimizga ko‘ra esdalik sovg‘alarini topshirdi.
Osiyo Kubogi va klublar o‘rtasidagi Osiyo chempionatida sportchilarimiz birinchi kunning o‘zida to‘qqizta medalga sazovor bo‘lishdi. 56 kg. vazn toifasida musobaqalarda ishtirok etayotgan Muhammadali Qaxramonov dast ko‘tarishda 111 kg, siltab ko‘tarishda 145 kg. og‘irlikni o‘ziga bo‘ysundirib, umumiy 256 kg. natijasi bilan bir yo‘la oltita kumush medallarini qo‘lga kiritdi. ( 3ta kumush Osiyo Kubogida, yana 3 ta kumush klublar o‘rtasidagi qit’a chempionatida).
Xotin-qizlar o‘rtasida 48 kg. vazn toifasida chiqish qilgan Maxliyo Tog‘oyeva dast ko‘tarishda birinchi urinishda 65 kg, ikkinchisida 68 kg. og‘irlikni ko‘tara oldi. Uchinchi urinishda esa 71 kg. toshga buyurtma berilgandi, afsuski bu urinish muvaffaqiyatli chiqmadi. Maxliyo siltab ko‘tarishda ham uchta imkoniyatning ikkitasidan unumli foydalandi. Natijada 84 va 87 kg. og‘irlikni o‘ziga bo‘ysindirgan hamyurtimiz 93 kg. toshni ko‘tara olmadi.
Ikkikurashda umumiy 155 kg. natija (68+87) Maxliyo Tog‘oyevaga bronza medaliga ega chiqishi uchun yetarli bo‘ldi va u terma jamoamiz hisobiga uchta bronza medalini qo‘shib qo‘ydi. Terma jamoamiz a’zolarini muvaffaqiyatli start bilan muborakbod etamiz va ulardan navbatidagi g‘alabalar va rekordlarni kutib qolamiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
