Rossiyaning «Tosno» klubida faoliyat yuritayotgan hamyurtimiz jurnalistlar bilan har doim ham muloqotga kirishavermaydi.
Shuning uchunmi, rossiyalik hamkasblarimiz terma jamoalar o‘yinlari tufayli yuzaga kelgan tanaffusdan foydalanib, yarim himoyachini suhbatga chorlashdi va eng muhim savollarni o‘rtaga tashlashdi.
Natijada Vagiz O‘zbekiston terma jamoasining JCH-2018 saralashidagi muvaffaqiyatsizligiyu, yig‘inlarga nega chaqirilmagani xususida gapirishiga to‘g‘ri keldi.
- Terma jamoalarning o‘rtoqlik uchrashuvlari uchun tanaffus yuzaga keldi. Biroq sizni 2012 yildan buyon O‘zbekiston termasiga chaqirishmayapti. Yana taklif qilishlaridan umidingiz bormi?
- O‘zbekistonlik jurnalistlar ham bu masalada menga tez-tez savol berishadi. Yashirmayman, har doim terma jamoadan taklif kutganman. Milliy jamoada men uchun noxush holatlar ro‘y bergandi va shu sabab, meni anchadan buyon chaqirmay qo‘yishdi.
Hozir esa jamoada o‘sha odamlar yo‘q va tabiiyki, chaqiruv kutmoqdaman. Ko‘ramiz, bundan nima chiqarkin? O‘ylaymanki, agar terma jamoaga mos harakatlansam, meni taklif qilishadi, albatta.
- Noxush holatlar. Aynan nimani nazarda tutyapsiz?
- Bu haqda gapirishim nojoiz. Barchasini ommaga oshkor etishim to‘g‘ri emas, menimcha.
- Endi sizni taklif qilishlariga hech qanday to‘siq yo‘qmi?
- Yo‘q. Terma jamoa jahon chempionatiga chiqolmaganidan keyin unda barchasi o‘zgardi. Yangilar ish boshlashdi, tabiiyki, ular oldiga yangi vazifalar qo‘yiladi.
Hozir vaqtincha murabbiy ishlamoqda, yangisini esa keyinroq tayinlashadi. To‘g‘ri, terma jamoa oldiga aynan qanday vazifalar qo‘yilgani aniq emas. Natijalarni kuzatamiz va kutamiz.
- Umuman, terma jamoangizni kuzatib borish siz uchun nechog‘li qiziq?
- Albatta, barcha o‘yinlarini ko‘rishga harakat qilaman. Axir jamoada do‘stlarim to‘p surishadi. Eh, jahon chempionatiga chiqish uchun shunday yaxshi imkoniyat boy berilgani juda alam qildi. Yana bitta gol yetishmadi...
- Qaysidir vaqtda O‘zbekiston termasining Rossiya mundialiga yo‘l olishiga ishonganmidingiz?
- Ha, 90 foiz. Biroq jamoa Xitoyda kutilmaganda, 0:1 hisobida yutqazib qo‘ydi va bu turnir jadvalidagi holatni butunlay o‘zgartirib yubordi. Natijada uyda Janubiy Koreya termasini loaqal 1:0 hisobida yutish talab etildi.
Bilaman, O‘zbekiston termasi xitoyliklardan ancha kuchli, ammo yigitlar ko‘plab vaziyatlardan foydalana olishmadi va yakunda gol qo‘yib yuborildi.
Koreyaliklar esa bizga nisbatan kuchliroq, ammo ularni yengish shart edi. Afsuski, o‘yinda durang qayd etildi va termamiz mundialdan quruq qoldi.
- O‘zbekiston termasi JCH-2006 va JCH-2014 saralashida mintaqaviy «pley-off»da yutqazgan - birinchisida raqibning mehmonda urgan goli tufayli, ikkinchisida esa penaltilar seriyasida.
Sizningcha, JCH yo‘llanmasini qo‘lga kiritish uchun faqat omad yetishmayaptimi yoki...? DAVOMI
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
