Noyabr oyi o‘rtalarida JCH-2018 saralashi «pley-off» o‘yinlari barobarida Osiyo kubogi-2019 kvalifikasiyasi doirasida tur bahslari o‘tkazildi. Aksariyat yetakchi jamoalar esa o‘rtoqlik uchrashuvlarida maydonga tushdi.
Shularni inobatga olsak, FIFA reytingda keskin o‘zgarishlar ro‘y berishi qiyin masala edi. Amalda xuddi shunday bo‘ldi - 23 noyabr kuni e’lon qilingan yangi reytingda kuchli beshlik tartibi avvalgi holatida saqlanib qoldi
. Faqat yetakchilar orasida Braziliya termasining ochko borasida anchagina yo‘qotishga uchragani e’tiborni tortadi. O‘zbekiston milliy jamoasi esa Suriya va Iroq termalarini oldinga o‘tkazib yuborib, OFK miqyosida 10-o‘ringa tushib qoldi.
Dunyo reytingida esa 80-qatordamiz. Bizdan keyin o‘rinlar JAR, Benin va Falastin termalariga tegishli.
*** O‘zbekiston milliy jamoasi joriy oy avvalgi reytingga nisbatan olganda, 4 pog‘ona pastladi. Ochko bo‘yicha yo‘qotish darajasi esa 32,54 ballga teng.
Buning sababi barchamizga ma’lum, albatta. Chunonchi, jamoamiz noyabrda 1ta o‘rtoqlik o‘yinida ishtirok etib, shunda ham BAA termasiga yutqazdi - 0:1.
*** OFK yetakchisi Eron termasi dunyo miqyosida 34-o‘rindan 32-qatorga ko‘tarildi. Aslida forslar yanada katta sakrashga loyiq edilar.
Zero, ular noyabrda Avstriya va Gollandiya termalariga qarshi kechgan o‘rtoqlik o‘yinlarida g‘alaba nashidasini surishdi. Biroq yuqoridagi jamoalarning natijalari Eron termasini keskin ko‘tarilishiga yo‘l qo‘ymadi.
*** 1998 yilning dekabrida jahon reytingida 17-o‘ringa chiqqan Janubiy Koreya termasi 59-o‘rinni band etdi. Vaholanki, koreyslar Kolumbiya va Serbiya termalari bilan «o‘rtoqlik»larda yaxshi natijalarga erishgandilar.
*** Avstraliya termasi esa OFKdan 5-raqam ostida JCH-2018 yo‘llanmasini qo‘lga kiritgani evaziga Osiyo oilasida 2-o‘ringa mustahkam joylashib oldi.
*** Oy yakunlariga ko‘ra, OFK a’zolari orasida o‘rinlar bo‘yicha eng yaxshi o‘sishni KXDR (Q18 o‘rin), Livan (+13 o‘rin) va Indoneziya (+11 o‘rin) termalari qayd etdi. Ochkolar misolida olganda esa, eng yaxshi natijaga erishgan 3ta jamoa tartibi qo‘yidagicha: Livan, KXDR, Ummon.
*** Laos, Yaponiya va Yaman termalari o‘rinlar bo‘yicha hammadan shiddatliroq «quladi». Eng ko‘p ochko yo‘qotgan jamoalar - Yaponiya, Xitoy va Laos termalari.
*** Qo‘shimcha ma’lumot: Livan, Turkmaniston, Iordaniya, Bahrayn va Vyetnam terma jamoalari noyabr oyiga belgilangan Osiyo kubogi-2019 saralashi 5-turidan so‘ng yo‘llanmani naqd qildi.
*** 13 noyabr kuni betaraf hudud - Tailandning Buriram shahrida Malayziya termasi mehmoni bo‘lgan KXDR milliy jamoasi 4:1 hisobida g‘alaba qozondi. Birinchi bo‘limning o‘zida 22 yoshli Kim Yu Song raqib darvozasiga 3ta gol yo‘llagandi.
Shimoliy koreyaliklar ayni shu g‘alaba tufayli 132-o‘rindan 114-o‘ringa ko‘tarilishdi. Qit’a miqyosida esa 18-o‘ringa. Umuman, joriy oy reytingda sakrash bo‘yicha jahonda ham eng yaxshi natijani KXDR termasi ko‘rsatdi.
*** 14 noyabr kuni Osiyo kubogi saralashi doirasida Xitoy Taypeyi jamoasini qabul qilgan Turkmaniston termasi 2:1 hisobida g‘alaba qozonib, ochkolari sonini 10taga yetkazdi (guruhdagi Bahrayn termasida ham shuncha ochko bor).
Rasmiy o‘yindagi mazkur muhim g‘alaba FIFA reytingida o‘z aksini topdi. Tojikiston termasi esa saralashdagi oxirgi 3ta o‘yinda mag‘lubiyatga uchramagan bo‘lsa-da, hali asosiy vazifani hal qilganicha yo‘q.
***JCH-2018chiptasinioxirgi pallalarda qo‘lga kiritgan jamoalar reytingda quyidagicha o‘zgarishga yuz tutdi: Avstraliya (+4 o‘rin, 747 ochko); Peru (-1 o‘rin, 1128 ochko); Shveysariya (+3 o‘rin, 1190 ochko), Xorvatiya (o‘zgarish yo‘q, 1032 ochko), Shvesiya (+7 o‘rin, 998 ochko), Daniya (Q7 o‘rin, 1099 ochko).
Oy davomida eng katta o‘sishga erishgan jamoalar (o‘rinlar bo‘yicha)
1. KXDR (+18)
2. Livan (+13)
3-4. Burkina-Faso, Indoneziya (+11)
5-8. Avstriya, Liviya, Bahrayn, Namibiya (+10)
9-14. Albaniya, Makedoniya, Lyuksemburg, Ummon, Kuba, Kosovo (+9)
Oy davomida eng katta yo‘qotishga yuz tutgan jamoalar (o‘rinlar bo‘yicha)
1. Laos (-22)
2. Chad (-19)
3. Isroil (-16)
4. Ekvatorial Gvineya (-12)
5-6. Yaponiya, Ekvador (-11)
7-12. Turkiya, Nigeriya, Keniya, Yaman, Malavi, Burundi (-9)
Oy davomida eng katta o‘sishga erishgan jamoalar (ochkolar bo‘yicha)
1. Shvesiya (+125,82)
2. Daniya (+97,82)
3. Avstriya (+70,41)
4. Senegal (+68,91)
5. Burkina-Faso (+65,69)
6. Paragvay (+62,11)
7. Finlyandiya (+58,42)
8. Marokash (+57,91)
9. Shveysariya (+56,44)
10. Albaniya (+54,62)
Oy davomida eng katta yo‘qotishga yuz tutgan jamoalar (ochkolar bo‘yicha)
1. Braziliya (-136,47)
2. Polsha (-114,04)
3. Urugvay (-109,98)
4. Ekvador (-99,71)
5. Argentina (-96,64)
6. Yaponiya (-88,37)
7. Portugaliya (-88,11)
8. Uels (-87,44)
9. Turkiya (-71,72)
10. Angliya (-69,02)
*** 2016 yilning noyabr oyida e’lon qilingan FIFA reytingiga solishtirsak, O‘zbekiston milliy jamoasi 18 pog‘ona pastladi - 62-o‘rindan 80-o‘ringa tushdi.
O‘shanda OFK ro‘yxatida Saudiya Arabistoni termasidan keyin 6-o‘ringa joylashgandik. Oradan roppa-rosa bir yil o‘tib, BAA, Suriya va Iroq termalari bizdan o‘zib ketdi.
*** Eng yuqorida turgan Germaniya va Braziliya termalari orasida atigi 115 ochkolik farq bor. JCHga yo‘l ololmagan Chili termasi 10-o‘rinda, italyanlar esa 14-qatorda. Umuman, yuqori 25talikda Rossiya mundialiga yo‘l ololmagan 5ta jamoa bor.
*** 2016 yil noyabrda kuchli beshlik quyidagi tartibda edi: Argentina, Braziliya, Germaniya, Chili, Belgiya. Hozirgi kuchlilar qatorida birgina Chili termasi yo‘q (uning o‘rniga Portugaliya jamoasi ko‘tarildi): Germaniya, Braziliya, Portugaliya, Argentina, Belgiya.
*** O‘tgan yili Yevropa chempionatida porlagan Uels termasining bir yil davomida 12-o‘rindan 19-qatorga tushib ketgani ham ajablanarli holat.
OFK jamoalari reytingi (noyabr oyi)
№ +/- Jamoa Ochko Farq
32 +2 Eron 798 13,79
39 +4 Avstraliya 747 33,35
55 -11 Yaponiya 623 -88,37
59 +3 J. Koreya 563 -25
60 -3 Xitoy 561 -65,4
63 0 S.Arabistoni 539 -37,21
73 -1 BAA 474 -14,39
77 0 Suriya 442 -8
79 +1 Iroq 438 8,62
80 -4 O‘zbekiston 437 -32,54
82 +2 Falastin 427 8,75
87 +13 Livan 404 51,87
101 +9 Ummon 350 50,19
102 -5 Qatar 336 -23,78
105 0 Hindiston 320 -8,33
107 +6 Iordaniya 311 29,62
112 +2 Turkmaniston 292 12,69
114 +18 KXDR 283 50,94
115 +10 Bahrayn 282 31,39
115 +5 Qirg‘iziston 282 17,39
118 -2 Filippin 280 7,95
121 -9 Yaman 268 -28,95
125 -4 Vyetnam 265 4,17
127 -4 Tojikiston 255 0,32
132 +6 Tailand 230 5,3
135 +8 Xitoy Taypeyi 221 20,72
143 -1 Gonkong 189 -22,01
147 +7 Afg‘oniston 181 13,11
150 +5 Myanma 176 10,21
154 +11 Indoneziya 144 27,4
157 -1 Maldiv or. 135 -8,83
170 +6 Nepal 98 4,43
170 +3 Singapur 98 -2,2
170 0 Kambodja 98 -12,28
174 -4 Malayziya 97 -13,26
182 -2 Makao 65 -14,62
184 -22 Laos 62 -59,99
185 +5 Butan 55 4,54
188 -2 Quvayt 52 -5,7
190 -6 Bruney 45 -19,52
191 0 Guam 43 -3,38
192 +4 Bangladesh 38 5,28
196 -4 Sharqiy Timor 32 -10,32
199 -2 Mo‘g‘uliston 17 -13
200 -2 Shri-Lanka 16 -10,76
201 0 Pokistan 15 0,25