Shvesiyaning «Estersund» klubi fanatlar uchun asarlar va teatr pyesalari yozyapti - chin ma’noda. Kamtarin jamoa shuning barobarida nomdor raqiblardan sira hayiqmay, duch kelganini yengmoqda.
Deylik, shvedlar yevroarenadagi debyut mavsumdayoq YEL guruh bosqichida muvaffaqqiyatli o‘ynab, «pley-off» yo‘llanmasini muddatidan oldin qo‘lga kiritishdi.
Bu qanday klub?
«Estersund» hattoki, Shvesiyaning o‘zida ham yetakchilar qatoriga kirmaydi. Bu jamoaning kamtarligiga yaqqol misol shuki, uy stadioni atigi 8466 muxlisga mo‘ljallangan.
Endi eng ajablanarli faktga e’tibor qarating: bir urinishda YELning bahorgi bosqichiga yo‘l olgan «Estersund» mavsum-2012|2013da ham Shvesiyada to‘rtinchi o‘rinda turuvchi divizionida ishtirok etardi.
Xullas, nomi chiqmagan jamoa Skandinaviyaning quyi ligalaridan Yevropa sahnalarigacha bo‘lgan mashaqqatli yo‘lni sanoqli yillarda bosib o‘tdi. Grem Potter boshqaruvidagi «Estersund» YEL guruh raundi 5-turida Ukrainaning «Zarya» klubini qabul qilib, 2:0 hisobida g‘alaba qozondi va «pley-off» yo‘llanmasi masalasini muddatidan avval o‘z nomiga rasmiylashtirdi.
Vaholanki, shvedlar tushgan kvartetda ukrain jamoasidan tashqari, «Gerta» (Germaniya) va «Atletik» (Ispaniya) kabi nomdorlar bor.
Jamoa YELga qanday ko‘tarildi?
Shvesiya kubogi orqali. «Estersund» avvalgi mavsum o‘z tarixida birinchi marta sovrin yutdi. Ya’ni milliy kubok musobaqasi finalida keng ommaga nisbatan tanilgan «Norrcheping»ni 4:1 ko‘rinishida yengdi.
Ayni shu muvaffaqiyat oddiy klubga yevrokuboklar yo‘lini ochdi. Xullas, «Estersund» xalqaro turnirga iyul oyi o‘rtalarida kirishdi. Boshqacha aytsak, o‘zining g‘aroyib yurishini saralash bosqichlaridan boshladi.
Muhimi, shvedlar ilk qadamni ancha dadil tashlab, «Galatasaroy»dek jamoani yo‘ldan chetga surishdi. Keyin esa navbati bilan Lyuksemburgning «Fola» va Gresiyaning PAOK jamoalari bilan ham ortiqcha pachakilashib o‘tirishmadi.
Kvalifikasion jarayondagi muvaffaqiyat shved debyutanti kuchiga kuch, ishtiyoqiga ishtiyoq qo‘shdi, shekilli, u guruh o‘yinlariga yanada bardamroq kirishdi: 1-turda mehmonda «Zarya»ni yengib, ikkinchi uchrashuvda «Gerta»ga «tarsaki» tushirdi.
«Atletik»ka qarshi kechgan keyingi 2ta o‘yinda esa shvedlar 1tagina ochko olishdi, xolos. 23 noyabrga kelib, «Estersund» o‘z arenasida «Zarya»ni 2ta javobsiz gol bilan «siyladi».
5ta o‘yin, 3ta g‘alaba, 1tadan durang va mag‘lubiyat - bunday natija oxirgi 10 yillikning boshida shved futbolining quyi bo‘g‘inlarida «izg‘ib» yurgan klubning tarixiy yutug‘iga kifoya qildi. Qisqasi, YEL-2017|2018ning eng kuchli ishtirokchilari qatoriga qo‘shilgan «Estersund» qit’a miqyosida ham ancha tanilib ulgurdi.
Murabbiyi kim?
Angliyalik Grem Potter. Ha, familiyasi mashhur sehrgarniki bilan bir xil mutaxassis o‘z yo‘nalishida mo‘’jiza ko‘rsatmoqda. Yana bir ajo-yib fakt: Potter joriy yevrokuboklar «pley-off» raundida o‘z jamoasini maydonga olib tushadigan angliyalik yagona murabbiydir.
Chunonchi, xalqaro musobaqalarda ishtirok etayotgan APLning barcha klublarini xorijlik mutaxassislar boshqarishyapti. Potter Shvesiyada ispaniyalik Roberto Martines tufayli ish boshladi.
Aniqroq aytsak, vaqtida «Suonsi»ni boshqargan Martines jamoasi bilan «Estersund» uchun qurilgan mo‘’jazgina yangi stadionning ochilish marosimida ishtirok etgandi.
Shved klubi sohibi Daniel Kindberg ayni shu tadbir bahona ispaniyalik mutaxassis bilan tanishgan va 2011 yili unga qo‘ng‘iroq qilib, biror munosib murabbiy tavsiya etishini so‘ragan.
Chunki o‘sha vaqt «Estersund»ning ishlari sira yurishmayotgandi. Martines esa uzoq o‘ylab o‘tirmay, Potter nomzodini ilgari suradi: «Grem - Angliya yoshlar terma jamoasi sobiq futbolchisi.
Asosiysi, juda kamtar yigit. Boshqaruvchilik tajribasiga kelsak, JCH-2007da Gana ayollar termasida ishlagan». Kindberg kamtarona ta’rifni eshitgach, tavakkal qilishdan tiyilmadi va bu to‘g‘ri qaror bo‘lib chiqdi.
«Stokgolmdan shimol tomonda joylashgan hududlar mohiyatan olganda, yovvoyi tabiat hisoblanadi. Klub bazasidan poytaxtga esa poyezdda 5 soatda yetib borish mumkin, - deydi Potter.
- Boz ustiga, biz turgan joy va eng yaqin shahar o‘rtasidagi masofa 2,5 soatlik yo‘lga teng. Xoh g‘arbdagi Sundsvallni olaylik, xoh g‘arbdagi Tronxeymni. Bu holat o‘ziga xos qiyinchiliklar tug‘diradi, lekin yaxshi tomoni ham yo‘q emas.
Agar jamoada kerakli odamlarni to‘play olsangiz, ular o‘rtasida o‘z-o‘zidan mustahkam munosabatlar yuzaga keladi. Boshqa tarafdan qarasak, bordiyu, futbolchi tanlashda adashsangiz, tezda katta muammolarga yo‘liqishingiz mumkin. Chunki kichik shaharchada qochadigan joyning o‘zi yo‘q».
«Estersund» muvaffaqiyati garovi nima?
DAVOMI
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
