Futzal bo‘yicha 2018 yilgi mavsum ham xuddi futbolda bo‘lgani kabi yangi format asosida o‘tadi.
Rejaga ko‘ra, mart oyida start oladigan O‘zbekiston chempionatida oliy liga jamoalari ilk marotaba uy-safar tizimida ishtirok etishadi. Aftidan, hozirgi holatda ichki birinchilikda uzoq tanaffus yuzaga keladigan ko‘rinadi.
Fevral oyida o‘tkaziladigan Osiyo chempionatida qatnashadigan termamiz uchun esa bu yaxshi holat emas. Rasmiy uchrashuvlar yo‘qligi sabab futzalchilarimiz o‘yin amaliyotisiz qolib ketishyapti.
Shunga qaramay, klublar hamda termamiz o‘quv-mashg‘ulot yig‘inlarini to‘xtatmayapti. Biz O‘zbekiston chempioni - «Olmaliq» jamoasi yetakchi futzalchisi Jamoliddin Sharipovdan intervyu oldik.
- Jamoliddin, «Olmaliq»ning yangi mavsumga tayyorgarligi qanday ketyapti?
- Aslida mashg‘ulotlarga avgust oyidayoq kirishgandik. Shu paytgacha chempionat bahslari sentyabr yoki oktyabr oyidan boshlanardi. Lekin O‘FFning biroz kutilmagan qarori tufayli yangi mavsumga mart oyidan start beriladigan bo‘ldi.
Buning natijasida oliy liga klublarining rejalari o‘zgarib ketdi. Shunga binoan yangi yildan mashg‘ulotlarni boshlaymiz.
- Tarkibda o‘zgarishlar bormi?
- Ha. Tajribali futzalchilarimiz boshqa klublarga o‘tib ketishdi. Masalan, Artur Yunusov «Lokomotiv», Dilshod Irsaliyev «Paxtakor» bilan shartnoma imzoladi. O‘z o‘rnida, safimizga qo‘shilganlar ham bor.
«Ardus»dan Davron Abdurahmonov yangi mavsumni «Olmaliq» tarkibida boshlashga yaqin turibdi. «Metallurg»da ijara asosida o‘ynagan Sunnat Kuralov jamoamizga qaytdi. Yangi yildan boshlanadigan yig‘inimizda yana ko‘plab futzalchilarning ko‘rikdan o‘tishi kutilyapti.
- Yuqorida O‘FFning yangiligi haqida gapirdingiz. Futzalchilar uni qanday qabul qilishdi?
- Shaxsan men uchun bu juda qiziq tuyulmoqda. Barcha futzalchilar qatori chempionat boshlanishini sabrsizlik bilan kutyapman. Uning qanchalik samarali bo‘lishini, albatta, vaqt ko‘rsatadi.
- Jamoalar uzoq vaqt o‘yin amaliyotisiz qolib ketishyapti. Martgacha hali ancha vaqt bor. Bu zararga ishlamasmikan?
- Ushbu masalada bir nima deyish qiyin. Lekin futzalchi uchun o‘yin amaliyoti juda muhim.
Albatta, chempionat boshlanguniga qadar o‘rtoqlik o‘yinlari o‘tkaziladi. Lekin nazorat bahslari baribir, rasmiy uchrashuvlar o‘rnini bosa olmaydi. Xullas, yangi tizimga ko‘nikishga majburmiz.
- «Olmaliq»ning o‘tgan yilgi ishtiroki klub rahbariyati tomonidan muhokama qilindimi?
- Ha, Olmaliqda mavsum yakunlariga bag‘ishlangan yig‘ilish va uning yakunida katta konsert dasturi bo‘lib o‘tdi. Klubimiz rahbarlari chempionlik bilan tabriklashdi, sovg‘a-salomlar ulashildi.
- Yangi mavsum uchun rejalar tasdiqlandimi?
- Bizga bu haqda aytishmadi. Shu kunlarda o‘z bazamizda yangi mavsumga tayyorgarlik ko‘rish uchun yig‘ilamiz. Bo‘lajak yig‘inda rejalar bilan tanishtirishsa kerak.
- Jamoa bilan shartnomangiz qancha muddatga imzolangan?
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
