Futboli rivojlanmagan har bir o‘lka borki, u yerda avvalo, bolalar bilan ishlash tizimini yuqori darajaga ko‘tarish haqida bosh qotirishadi.
Futbolda buguni o‘xshamay turganlar uchun kelajakka umid bog‘lash - eng yaxshi yo‘l va vosita. Ammo bolalar futbolini yangi bosqichga olib chiqish oson emas, albatta. Buning uchun har bir qadamni obdon o‘ylab bosish talab etiladi.
Murakkablik tomoni shuki, qaysi qadam qay darajada to‘g‘ri yoki noto‘g‘ri ekanligini darhol, shu onning o‘zida emas, uzoq yillar o‘tgachgina bilish mumkin. Ungacha xatoga yo‘l qo‘yib, barchasini barbod qilgan kishi allaqachon «Kanada chegarasi»ga yetib olgan bo‘ladi.
Ya’ni aybdorni jazolash imkonsiz, baribir. Xullas, xato yo‘l tanlansa, hammasini jimgina yangitdan boshlashga to‘g‘ri keladi. Eng yomoni, navbatdagi urinish ham avvalgisidek natijasiz yakunlanmasligiga hech kim kafolat berolmaydi...
O‘zbek futboli hozir yangilanish yo‘lida turibdi. Demakki, bolalar futboli masalasida ham yangilikka qo‘l urish vaqti keldi. Tushunarliki, federasiya avvalgi xatolar yana takrorlanishini istamaydi. Shu sababmi, yangi rahbariyat tomonidan o‘zgacha yo‘l tanlandi.
Tasdiqlangan dasturga ko‘ra, mamlakatimiz 4ta hududga bo‘lindi va har biri uchun alohida rivojlanish yo‘li belgilandi. Muhimi, hududlarda bolalar futboli bo‘yicha ishlarni yanada yaxshilash maqsadida Yevropa mamlakatlaridan mutaxassislar taklif etildi. Endi vodiy futboli alohida, vohani esa alohida yo‘ldan ketadi.
Yana Toshkent shahri va viloyati, Sirdaryo hamda Jizzax bitta hududga biriktirildi. Qoraqalpog‘iston Respublikasi va Xorazm viloyati uchun ham alohida tizim qabul qilinadi. Takror aytamiz, hududlarda bolalar futbolini rivojlantirish yo‘lida Germaniya, Ispaniya, Italiya va serbiyalik mutaxassislar ish olib borishadi.
Tushunarliki, bu mamlakatlarning har biri nafaqat kattalar, balki bolalar futbolida ham etalon hisoblanadi. Aytish joiz, O‘zbekiston futbol federasiyasi shu loyiha bilan bir yo‘la ikki ishga qo‘l urdi. Birinchidan, yurtimizga hali biror marta Yevropadan bolalar murabbiylari taklif etilmagandi.
Shunday ekan, ushbu qaror o‘zbek futboli uchun tarixiy ahamiyat kasb etishi turgan gap. Ikkinchidan, O‘FF qabul qilgan dasturning yana bir ahamiyatli jihati shuki, avvalgi xatolardan imkon qadar qochishga harakat qilinmoqda. Maqola avvalida ta’kidlaganimizdek, bolalar futboli juda nozik mavzu va kichikkina xato ham uzoq yillarga tatiydi.
O‘FF esa bir o‘q bilan ikki emas, to‘rt quyonni urish payida. Ya’ni biri o‘xshamasa, boshqasi muvaffaqiyat keltirishi lozim. Balki qaysidir hududda kutilgan natija bo‘lmas, ammo to‘rt o‘qdan biri nishonga to‘g‘ri borgan taqdirda qolganlari o‘rnini bosib ketadi. Ammo buni bilish uchun ham ancha kutish kerak.
Germaniya futboli joriy asrning ilk yillari inqirozli holatga tushib qolgandi. Aslida mamlakat milliy jamoasi iqtidorli ijrochilar masalasida hech qachon qiynalmagan. Ammo yangi asr boshida nemislar orasida eng yulduz futbolchi darvozabon edi - Oliver Kan.
Germaniya futbol federasiyasi rahbariyati o‘shandayoq vaziyatga to‘g‘ri baho berdi va asosiy urg‘uni bolalar futboliga qaratdi. Vaholanki, DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
