O‘zbekiston futbol Assosiasiyasining yillik taqvimida belgilangan Respublika birinchiligi 11 yoshdan 17 yoshgacha bo‘lgan yettita yosh toifadagi guruhda tashkil etilayotganligi haqida xabar berib o‘tgandik.
Maxsus futbol maktab-internetlari, Olimpiya zaxiralari kolleji, Bolalar va o‘smirlar futbol maktablari, Ixtisoslashgan bolalar va o‘smirlar sport maktablari hamda Bolalar va o‘smirlar sport maktablarining futbol tarbiyalanuvchilari o‘rtasida tashkil etilayotgan musobaqaning birinchi bosqich o‘yinlari Qoraqalpog‘iston Respublikasi, Sirdaryo va Andijon viloyatlarida yakuniga yetdi.
Dastlab, Qoraqalpog‘iston Respublikasida bo‘lib o‘tgan musobaqa haqida.
Respublikaning to‘rt mintaqasida tashkil etildi – Beruniy, Xo‘jayli, Qo‘ng‘irot va Chimboy. 11 yoshlilar o‘rtasidagi bahslarda 11ta jamoa, 12 yoshlilarda 12ta jamoa, 13 yoshlilarda 10ta, 14 yoshlilarda 13ta, 15 yoshlilarda 10ta, 16 yoshlilarda 11ta va 17 yoshlilar guruhida 7ta jamoa ishtirok etdi. 15 va 16 yoshlilar musobaqasining Chimboy mintaqasida, 17 yoshlilar o‘yinlarida Beruniy, Qo‘ng‘irot va Chimboy mintaqalarida bor-yo‘g‘i bittadan jamoa saf tortdi, xolos. Final bahslariga Xo‘jayli tumani mezbonlik qildi. Unda turli yosh toifalarida quyidagi jamoalar g‘oliblikni qo‘lga kiritishdi: U-11da Chimboy, U-12da Nukus tumani, U-13da Qo‘ng‘irot, U-14da Taxtako‘pir, U-15da Taxiatosh, U-16da Shumanay va U-17da Nukus shahri yosh futbolchilari.
Sirdaryo viloyatining Guliston, Xavos va Yangiyer shaharlarida o‘tkazilgan musobaqalarda quyidagi jamoalar g‘olib bo‘ldilar:
U-11da Sirdaryo tumani (8ta jamoa orasida) , U-12da Xavos (8ta), U-13da Xavos (8ta), U-14da viloyat Ixtisoslashgan bolalar va o‘smirlar sport maktabi (8ta), U-15da viloyat Ixtisoslashgan bolalar va o‘smirlar sport maktabi (7ta), U-16da Yangiyer futbol maktab internati (13ta) hamda U-17da Olimpiya zaxiralari kolleji (6ta jamoa) jamoalari g‘oliblikni qo‘lga kiritishdi.
Andijon viloyatida tashkil etilgan musobaqa yakuniga ko‘ra quyidagi jamoalar faxrli birinchi o‘rinni egallashdi:
U-11da Andijon shahar, U-12 va 13da Andijon shahar IBO‘SM, U-14 va15da Xo‘jaobod tuman BO‘SM, U-16 va 17da Buloqboshi tuman BO‘SM jamoalari bosh sovrin sohibi bo‘lishdi.
Avval qayd etganimizdek, musobaqani tashkil etishdan ko‘zlangan maqsad mamlakatning barcha hududlarida bolalar va o‘smirlar o‘rtasida mini-futbolni yanada rivojlantirish va ommalashtirish, yosh futbolchilarning mahoratini oshirish, O‘zbekiston o‘smirlar terma jamoasiga iqtidorli yoshlarni jalb qilishdan iborat.
Musobaqa davom etadi. Hal qiluvchi Respublika final bosqichi shu yilning dekabr oyiga belgilangan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов.jpg)
Қаҳрамон Асланов
Шуҳрат Шокиржонов
Шерзод Ражабов
