Avval xabar berilganidek, Superliga va Pro-liga klublarida ishtirok etadigan futbolchilarning jismoniy holati O‘zbekiston Futbol Assosiasiyasi tomonidan tasdiqlangan test-sinovlari orqali nazorat qilib boriladi.
Mazkur test- sinovlari tizimi O‘zbekiston Futbol Assosiasiyasining Texnik bo‘limi ilmiy-metodik guruhi mutaxassislari tomonidan ishlab chiqilgan. Maxsus sinovlar mavsum davomida tasdiqlangan reja asosida uch marotaba o‘tkazilishi va natijalari tahlil qilib borilishi ko‘zda tutilgandi.
Bu chora-tadbirlar Superliga klublarida ishtirok etadigan futbolchilarning jismoniy holatini nazorat qilish, terma jamoalarimiz uchun munosib nomzodlarni yetkazish maqsadida amalga oshirilmoqda.
Superliga klublari futbolchilari o‘tgan mavsumdan keyin dastlabki normativlarni topshirishgan va natijalar e’lon qilingandi.
Belgilangan reja asosida yangi mavsum oldidan Superliga klublari futbolchilari ikkinchi marta normativlarni topshirishmoqda.
Test-sinovlari maxsus innovasion texnologik vositalar orqali o‘tkazilayotganini ham alohida ta’kidlab o‘tish kerak. Shu paytga qadar 6ta klub normativlarni topshirdi.
O‘zbekiston futbol Assosiasiyasining 1-vise-prezidenti Umid Ahmadjonov normativlarni futbolchilarning jismoniy holatini nazorat qilib borish muntazam ravishda amalga oshirilib, bu jarayon terma jamoalarimizning foydasiga ishlashini aytib o‘tdi.
“Futbolchilarning jismoniy holatini doimiy ravishda nazorat qilib borish maqsadida ulardan normativlar qabul qilish amaliyotini o‘zbek futboli tarixida birinchi marta yo‘lga qo‘ydik. Superliga klublari o‘tgan yil dastlabki normativlarni topshirishgan va natijalar ancha salbiy chiqqandi. O‘shanda barcha klublardagi futbolchilarga fevral oyigacha muhlat berilib, yangi mavsum boshlanishidan avval ulardan yana bir bor normativlar qabul qilinishi e’lon qilingandi.
O‘zbekiston futbol Assosiasiyasi Ilmiy-metodik guruhi mutaxassislari futbolchilardan ikkinchi normativlarni qabul qilishni boshlab yuborishdi. Hozirgacha 6ta klub futbolchilari normativlar topshirishdi. Birinchi normativlar bilan ikkinchi normativlar natijalarini solishtirganda 30-40ga yaqin futbolchining natijalarida ijobiy tomonga o‘zgarish bo‘lmaganini ko‘rish mumkin. Agar futbolchilar o‘z ustilarida ishlashmasa, jismoniy holatlarini yaxshilab borishmasa, belgilangan lisenziyalarni olishmaydi. Har bir futbolchining jismoniy holati va natijalarini shaxsan o‘zim nazorat qilib boryapman.
Terma jamoalarimiz Xalqaro maydonlarda natija ko‘rsatishini, Olimpiada va Jahon chempionatlariga yo‘llanma olishini istasak, birinchi navbatda, futbolchilarimizning jismoniy holatini yaxshilashimiz zarur”, - deydi Umid Ahmadjonov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
