O‘zbekiston Milliy olimpiya qo‘mitasida o‘zbek sportida yorqin iz qoldirgan sport faxriylari bilan uchrashuv tashkil qilindi.
Unda O‘zbekiston Respublikasi Jismoniy tarbiya va sport vaziri Shoakram Isroilov, O‘zbekiston Milliy olimpiya qo‘mitasi bosh kotibi Jasur Matchanov, faxriylar kengashi raisi Komiljon Xudoyberganov va boshqa faxriylarimiz ishtirok etishdi.
Uchrashuvda qatnashgan faxriylarimiz orasida O‘zbekiston Respublikasida xizmat ko‘rsatgan murabbiylar, erkin kurash bo‘yicha faxriylar o‘rtasida 3 karra jahon chempioni Aleksandr Istomin, og‘ir atletika bo‘yicha jahon rekordchisi Erkin Karimov, shuningdek, Erkin G‘iyosov, Arslon Elov, A’zamjon Shokirjonov, Rashid Isyanov, professorlar Fikrat Kerimov, Hamroqul Rafiyev va yana ko‘plab taniqli sport fidoyilarini ko‘rishimiz mumkin edi.
.JPG)
"Ushbu uchrashuvni tashkil qilishdan maqsad ko‘pni ko‘rgan, katta tajribaga ega bo‘lgan faxriylarimiz bilan diydorlashish, ularning takliflarnini, muammolarini eshitishdir. O‘zbek sportining rivoji uchun barchamiz birlashib, ahil oiladek ishlashimiz lozim. Buning uchun o‘z ishimizni bilib qilishimiz, jipslashishimiz talab etiladi", - dedi Komiljon Xudoyberganov.
So‘zga chiqqan faxriylar milliy kurashimizga e’tiborni kuchaytirish, yoshlar sportining asosi bo‘lgan talabalar ligasini qayta tiklash, yangi uslublarni qo‘llash uchun ilmiy-nazariy kengash tashkil qilib, u yerda ilmiy-metodik qo‘llanmalarni yaratish haqida takliflar bildirishdi. Shuningdek, aholi o‘rtasida jismoniy madaniyat ta’limini oshirishda hali kerakli ishlar olib borilishi zarurligi ta’kidlandi.
"Yurtimizda jismoniy tarbiya va sport ta’limini kuchaytirishimiz kerak. Aholi o‘rtasida sport haqida yetarli bilim bo‘lsagina nimadir qila olishimiz mumkin. Ahir bunday bilim bilan yoshlarimizni qanday qilib sportga jalb eta olamiz?" - dedi professor Hamroqul Rafiyev. Qolaversa, malakali kadrlar tayyorlash ham bugungi kundagi ustuvor vazifalardan biri ekanligi qayd etildi.
O‘z o‘rnida, Jismoniy tarbiya va sport vaziri Shoakram Isroilov taklif va mulohazalarini bildirgan barcha faxriylarga minnatdorchilik bildirdi. U mazkur takliflarni o‘rganib chiqishini va albatta amalda qo‘llashini aytib o‘tdi.
Ma’lumot uchun, MOQ Prezidenti Umid Ahmadjonovning taklifiga ko‘ra, sport faxriylari kengashi raisi Komiljon Xudoyberganov MOQ Prezidenti maslahatchisi sifatida ham faoliyat ko‘rsatadigan bo‘ldi.
.JPG)
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
