Bugun, 28 fevral kuni Milliy olimpiya qo‘mitasida O‘zbekiston sport federasiya va assosiasiyalar vakillari ishtirokida yig‘ilish o‘tkazildi.
Unda Milliy olimpiya qo‘mitasi Prezidenti Umid Ahmadjonov, O‘zbekiston Jismoniy tarbiya va sport vaziri Shoakram Isroilov hamda Milliy olimpiya qo‘mitasi Bosh kotibi Jasur Matchanovlar ham ishtirok etishdi.
"Ushbu yig‘ilishni tashkil qilishdan maqsad - sport federasiyalari bilan hamkorlikda yillik taqvim rejasini qayta ko‘rib chiqishimiz lozim. Bundan buyog‘iga taqvim rejaga alohida e’tibor qaratiladi. Qaysi sport turi yil davomida nechta xalqaro musobaqa va xorijiy o‘quv-mashg‘ulot yig‘inlarini o‘tkazadi? Qolaversa, turli yosh toifalarida nechta mahalliy musobaqalar tashkil etiladi? Taqvim rejasini tasdiqlashimizdan oldin shu kabi savollarga aniq va ravshan javoblarni bilib olishimiz lozim. Yana bir muhim jihati, sport turlari orasida mablag‘larni taqsimlashda shaffoflikni yo‘lga qo‘yishimiz kerak. Davlat tomonidan sportga juda katta mablag‘lar kiritilmoqda. Bu xalqning puli, uni behuda sarflab yuborishga hech kimning xaqqi yo‘q. Shunday ekan, sarflanadigan har bir so‘m hisobda bo‘ladi” – dedi Umid Ahmadjonov.
“Yaqin orada muhtaram Prezidentimiz tomonidan imzolanadigan qarorga ko‘ra, bir qator viloyatlarda, jumladan tog‘li hududlarda sport turlari uchun Olimpiya bazalari barpo etiladi. Dzyudo, boks, sport kurashlari, karate, taekvondo, qilichbozlik kabi sportning yakkakurash turlarida jamoaviy musobaqalarni yo‘lga qo‘yishimiz lozim. Har bir viloyatning o‘z terma jamoasi bo‘lsin. Ular o‘rtasida muntazam ravishda musobaqalar tashkil etish orqali biz mamlakatimizda sportning ommaviyligini oshira olamiz. Ommaviylikni oshirmay turib, katta sportda biror bir natijaga erishib bo‘lmasligini bu yerda o‘tirgan mutaxassislar juda yaxshi bilishadi” - deb o‘z so‘zini davom ettirdi MOQ rahbari.
Endi mamlakatimizdagi Olimpiya zaxiralari kollejlari terma jamoalarimiz bazalariga aylantiriladi. Ularning har birida Olimpiya markazlari tashkil etiladi va ushbu markazlarda sportchilar 24 yoshgacha sport bilan shug‘ullanish bilan birgalikda, terma jamoa murabbiylarininig doimiy nazoratida bo‘lishadi. Bir so‘z bilan aytganda Olimpiya markazlari milliy terma jamoalarimiz uchun munosib nomzodlarni yetkazib berish bilan shug‘ullanadi. Milliy olimpiya qo‘mitasi esa Olimpiya zaxiralari kollejlarida barcha kerakli sharoitlarni yaratib beradi. Ularning aksariyati kapital ta’mirdan chiqariladi.
O‘z navbatida Jismoniy tarbiya va sport vaziri Shoakram Isroilov federasiyalar uchun lozim bo‘lgan barcha sport anjomlari imkon darajasida olib berilishi, o‘quv-mashg‘ulotlar bazalari ta’mirdan chiqarilishini ma’lum qildi.
"Zarur bo‘lgan texnik jihozlar, kerakli inventarlar bilan ta’minlaymiz. Birinchi navbatda Olimpiya zaxiralari sport kollejiga olib beramiz. Chunki ular terma jamoalarimiz asosi hisoblanadi", - dedi Shoakram Isroilov.
Shuningdek, yig‘ilish davomida MOQ Prezidenti bundan buyon Jismoniy tarbiya institutiga, Olimpiya zaxiralari kollejlariga qabul jarayonlarida federasiyadagi mutaxassislarning roli katta bo‘lishini ta’kidlab, kimda qanday taklif yoki muammolar bo‘lsa qabul qilishga tayyor ekanligini aytdi.
Yig‘ilish davomida federasiyalar vakillari bilan shart-sharoitlar, oldinda turgan maqsad va vazifalar hamda shtat jadvallari borasida muhokama bo‘lib o‘tdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
