Namanganlik muxlislar bugun bo‘lib o‘tadigan “Navbahor” va “Lokomotiv” jamoalari o‘rtasidagi uchrashuvni intiqlik bilan kutishayotganligi ayni haqiqat. Barchaga ma’lumki, O‘zbekiston futbol Assosiasiyasi Superligadan o‘rin olgan uchrashuvlarni haqiqiy bayramga aylanishi uchun bir qator ishlarni amalga oshirmoqda.
Aynan bu sa’yi-harakatlar samarasi o‘laroq stadionlarga yana muxlislar qaytmoqda. Qolaversa, uchrashuvlarni murosasiz va keskin tarzda kechayotganligi ham ishqibozlarni xursand qilmoqda.
Xabaringiz bor, “Navbahor” futbol klubi ham Superliga o‘yinlariga o‘ziga xos tayyorgarlik bilan kirib keldi. Xususan, “Navbahor” futbol klubining taqdimot marosimi ham katta bayramga aylanib ketgandi. O‘tgan vaqt davomida Namangan shahridagi “Markaziy” o‘yingohda keng qo‘lamdagi ishlar olib borildi. Birinchi navbatda o‘yingoh O‘zbekiston professional futbol ligasi talablaridan kelib chiqqan holda jihozlandi.
Muxlislar uchun qulayliklar yaratish va ularning talabini qondirish maqsadida o‘yin paytida stadion atrofida 12ta savdo shahobchalari ishqibozlar xizmatida bo‘ladi. Shuningdek, klub atributikalari bilan savdo qiladigan do‘konchalar ham tashkil etilib, “Navbahor” ramzi tushirilgan, futbolka, polo, sharf va kepkalar sotilmoqda. Bundan tashqari, muxlislar uchrashuvni tomosha qilishga oilaviy tashrif buyurishlari uchun o‘yingohda oilaviy sektor ham tashkil etildi.
Oldinlari uchrashuvlar uchun chiqarilgan chiptalar faqat o‘yin kunlari sotuvga chiqarilardi. Bu yildan bu borada ham yangilikka qo‘l urildi. Ya’ni, uchrashuvga kirish chiptalari 14 martdan sotuvga chiqarildi. Chiptalar Namangan shahridagi uchta yirik bozor va o‘yingoh kassalarida sotildi. Shuni aytib o‘tish joizki o‘yin uchun chiqarilgan chiptalarning asosiy qismi bugungi kunga kelib sotib bo‘lindi.
"Navbahor" - "Lokomotiv" uchrashuviga barcha chiptalar muxlislar tomonidan xarid qilindi. Bu esa 17 mart kuni 21 913 nafar muxlisni o‘z bag‘riga sig‘diradigan “Markaziy” o‘yingohda bo‘lib o‘tadigan uchrashuvga qiziqishni juda yuqori ekanligidan darak bermoqda. Chipta olmoqchi bo‘lgan muxlislar navbatda turib ham chiptalar xarid qilishdi. Bir so‘z bilan aytganda “Navbahor” va “Lokomotiv” jamoalari o‘rtasidagi uchrashuvda stadion muxlislar bilan to‘lishi va Namanganda katta futbol bayrami nishonlanishi aniq.
O‘yin boshlanishidan avval stadionga yig‘ilgan muxlislar uchun estradamiz yulduzlari chiqish qiladi. Jumladan, Namangandagi mavsumning ochilish uchrashuvida O‘zbekiston futbol Assosiasiyasi tomonidan stadionga keladigan muxlislar uchun sovg‘a sifatida estradamiz yulduzlari kuylaydi.
O‘zbekiston Milliy Olimpiya qo‘mitasi prezidenti, O‘zbekiston futbol assosiasiyasi 1-vise-prezidenti Umid Ahmadjonovni “Navbahor” – “Lokomotiv” uchrashuvini tomosha qilish uchun Namanganga tashrif buyurishi ham namanganlik muxlislarning xursand qilmoqda.
Bugun muxlislarni Namangandagi “Markaziy” o‘yingohga chorlab qolamiz. Bayram tadbirlari soat 18:00dan boshlanadi. O‘zbekiston Superligasi 3-turidan o‘rin olgan “Navbahor” – “Lokomotiv” jamoalari o‘rtasidagi uchrashuv esa soat 20:00da start oladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
