Xavyer Maskerano Barselonaga kelganida yoshgina yigit edi. Shunga ham 7 yil bo‘ldi va argentinalik futbolchi Kataloniya poytaxtini boshida birorta ham tuki qolmaganida tark etyapti.
Sochning boshni tark etish jarayoni 7,5 yil vaqtni talab qildi va bu davr mobaynida «Kichik daho» ko‘k-anorranglilar libosida 300dan ortiq bahsda maydonga tushib, 18ta sovrin egasi bo‘ldi. Xavyer o‘z laqabini Argentinada to‘p surgan kezlari olgan.
Aniqrog‘i, «River Pleyt»ning sobiq sardori Leonardo Astradadan «5»-raqam bilan birga meros sifatida qabul qilgan. Leonardoni El Jefe (ispancha «daho») deb atashardi. Fanatlar esa Maskeranoning sobiq sardordan 14 yosh kichikligini e’tiborga olib, uni El Jefecito («Kichkina daho») deb atashdi.
Mana, Xavyerning yoshi o‘tdi. Muxlislariga ko‘plab yorqin xotiralar qoldirgan holda ular bilan xayrlashish payti keldi. Demak, «Biz seni hech qachon unutmaymiz, Maskerano» degancha uning faoliyat yo‘liga nazar tashlaymiz.
«Barselona»ga o‘tish uchun maoshining 20 foizidan voz kechdi
2010 yili Xavyerga munosib baho beradigan murabbiy Rafael Benites «Liverpul»ni tark etdi va 3,5 yildan beri shu klub sha’nini himoya qilayogan Maskeranoni ham «Inter»ga o‘tishga da’vat qildi.
Angliyadan ketish haqida qaror qabul qilish futbolchi uchun qiyin bo‘lmadi-yu, ammo JARda o‘tgan mundial nihoyasiga yetganiga bir oy bo‘lganda (o‘sha JCHda anchayin sirli bo‘lgan do‘sti Lionel Messi bilan kelgusidagi rejalar to‘g‘risida fikrlashib olish imkoni tug‘ilgandi) - avgustda OAVda Maskeranoning «Barselona»ga o‘tishi borasida muzokaralar olib borilayotganligi haqida ma’lumotlar paydo bo‘ldi.
Bu jarayon uzoq cho‘zildi, kataloniyaliklar futbolchining transfer bahosini kamaytirishga urinishar va kelishib olish uchun Aleksandr Gleb yoki Boyan Krkichni qo‘shishga intilishardi. Biroq «Liverpul»ni qaroridan qaytarishning iloji bo‘lmadi.
Nima bo‘lganda ham, shartnoma transfer oynasi nihoyasiga yetishiga 2 kun qolganida imzolandi - Maskerano «ko‘k-anorranglilar» futbolchisiga aylandi.
Inglizlar mazkur kelishuvdan 24 mln. yevro ishlashdi - darvoqe, ayrim ispan nashrlarining ta’kidlashlaricha, argentinalik Kataloniya klubi o‘yinchisiga aylanish uchun o‘z cho‘ntagidan naqd 4 mln. yevro sarflagan.
«Barsa» vise-prezidenti Xosep Bartomeuning so‘zlaridan ma’lum bo‘lishicha, o‘shanda Xavyer Kataloniya jamoasiga o‘tish uchun maoshining 20 foizidan voz kechgan emish. «Men asosiy tarkibdan o‘rin olish juda qiyin bo‘lgan klubga o‘tayotganimni tushunardim, ammo Yevropada ham biror-bir sovrin egasi bo‘lish istagi bundan kuchli bo‘lib chiqdi», - dedi keyinroq Maskerano.
Debyut o‘yinidagi sariq kartochka
«Barsa» safidagi ilk uchrashuv Xavyer uchun omadsiz kechdi. O‘sha o‘yin 2-turga to‘g‘ri kelgandi: o‘z maydonida «Erkules»ga - ligaga o‘sha yili chiqqan jamoaga qarshi bahs. 11 sentyabrga belgilangan mazkur o‘yin yana bir jihati bilan e’tiborli edi - aynan shu sana Kataloniyada milliy ayyom sifatida nishonlanar va bu mintaqaning bosh bayrami edi.
«Kamp Nou» tribunalarini to‘ldirib o‘tirgan muxlislar kayfiyatini ham hech narsa buza olmaydiganday tuyulardi. Biroq hammasi boshqacha bo‘lib chiqdi: 20-daqiqadayoq raqibini quvib yetolmagan Maskerano qoidani buzib, ogohlantirish oldi, oradan ma’lum fursat o‘tgach, yana raqib futbolchisiga nisbatan qo‘pol o‘ynadi, lekin bosh hakam uni ayagani bois «qizil» ko‘rsatmadi.
«Erkules» esa jarimani qoyilmaqom tarzda ijro etdi va paragvaylik Nelson Valdes bahsdagi hisobni ochdi. «Barsa» harchand urinmasin, vaziyatni o‘nglay olmadi - final hushtagi yangrashiga yarim soat vaqt qolganida, Valdes «dubl» qayd etdi va «Erkules» Kataloniya jamoasiga qarshi mehmondagi o‘yinda o‘z tarixidagi ikkinchi g‘alabasiga erishdi (1996|1997 yillar mavsumidan so‘ng).
Tayanch chizig‘idan markaziy himoyaga
«Barselona» Maskeranoning Serxio Buskets va ko‘p o‘tmay «Manchester Siti»ga o‘tib ketgan Yaya Turega yordam berish uchun olinganini yashirmasdi. Ilk uchrashuvdagi harakat esa Maskeranoning doimiy o‘yin amaliyotiga ega bo‘lishiga imkon bermasdi, ammo Xavyerning o‘zi ham buni yaxshi tushunardi.
«Mening o‘rnimda bo‘lgan har qanday kishi doimo maydonga tushish imkonidan mahrumligini yaxshi tushunishi kerak edi, buni men ham anglardim. «Barselona»ning markazida uch nafar jahon chempioni - Xavi, Inyesta va Buskets harakat qiladi, ular bilan raqobatga kirishish esa o‘ta qiyin.
Ammo men ulardan o‘rganishga va o‘yindan lazzat olishga harakat qilaman», - degandi Xavyer o‘zining tanishtiruv marosimida.
O‘rganish chindanam boshlandi, ammo argentinalik bu jarayonni himoya markazida amalga oshirishiga to‘g‘ri keldi. Busketsning maydondagi o‘rni muqaddas sanalardi, shu bois Maskeranodan kataloniyaliklar himoyasidagi zaif nuqtani yopish talab etilardi (asosiy tarkib futbolchilari diskvalifikasiya qilinganida yoki jarohatlanganda).
Xavyerning o‘zi keyinroq shunday xotirlagandi: «2011 yil aprel oyi kunlaridan birida biz «Almeriya»ga qarshi o‘ynadik. O‘sha bahsning 2-bo‘limida Gabi Milito jarohat oldi. Natijada, meni himoya markaziga tushirishdi. Keyingi uchrashuv mehmonda - «Shaxtyor»ga qarshi bo‘lib, CHL 1|4 finali doirasida edi.
Birinchi o‘yinni biz 5:1 hisobidagi g‘alaba bilan yakunladik va men tayanch zonasida harakatlandim, Buskets esa markaziy himoyachi o‘rnida, chunki Erik Abidal jarohatlangandi. Ammo Doneskdagi uchrashuv avvalida Gvardiola meni hatto mashg‘ulotlarda buning ustida ishlamagan bo‘lsak-da, himoyada o‘ynashim kerakligini aytdi!
Menimcha, aynan mana shu pozisiyadagi almashinuv «Barselona» tarkibida uzoq vaqt mustahkamlanib olishimda qo‘l keldi».
Vaqtiki kelib, Xavyer jamoadan shu darajada mustahkam o‘rin oldiki, hatto Pepning o‘zi ham bu zonaga yangi futbolchi sotib olish fikridan qaytdi - mazkur masala o‘z-o‘zidan hal bo‘ldi. Aniqrog‘i, uni Maskerano hal qildi - yaqin 7 yilga.
Nihoyat, orzu ushaldi
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
