Milliy chempionatimizning 3-turidan so‘ng muxlislarni asosiy quvontirgan narsa bu — Superliga o‘yinlarining shiddatli va tomashabop bo‘layotgani desak mubolag‘a bo‘lmasa kerak. Chunki, xalqimiz yana stadionlarga qaytmoqda.
O‘FA o‘z va’dasining ustidan chiqyapti. O‘yinlarning boshlanish vaqtiyu, dam olish kunlari o‘tkazilayotgani, “kelishilgan o‘yinlar”siz Superliga o‘z nomiga mos boshlandi. Mana oddiy misol: 3-turdan keyin jamoalar turnir jadvalida shunday bir-biriga yaqin joylashganki, 1 ochko ham uni tepaga ko‘tarishi mumkin. O‘yinlarning saviyasi ancha ko‘tarilgan. Hozircha hakamlarga ham ortiqcha e’tirozlar kuzatilmayapti. Agar shu tempda mavsum oxirigacha ketadigan bo‘lsa, Superliganing so‘nggi turlari haqiqiy shouga aylanib ketsa kerak. Amaldagi chempion bu mavsumda 7-o‘ringa tushib ketishini kim o‘ylapti deysiz.
Menimcha, agar shu ketish bo‘lsa, hali bizni oldinda ajoyib o‘yinlar, sensasiyalar, hattoki, biz kutmagan championlik ham bo‘lish ehtimoli bor. Faqat tashkilotchilarimiz shu yo‘lda rulni mahkam ushlab, tempni tushirib yuborishmasa bas. Yuqorida aytganimizdek, stadionlarga odamlar yana qaytgan. Chunki, endi avvalgiday o‘yining 70-daqiqasida o‘yin masalasi hal bo‘lib qolmayapti. Yoki hakamlar bir nimalar o‘ylab topishmayapti. Hammasi halol prinsiplar asosida ketmoqda. Kurashga qo‘shilgan 12 jamoaning hech biri shunchaki rasmiyatchilik uchun mavsumni o‘tkazmayapti. Hatto, bitta iste’foni ham ko‘rdik. Bundan ko‘rinib turibdiki, jamoalar iloji boricha maksimal natija qayd etish uchun bor imkoniyatlarini sarflashmoqda. 12 ta jamoali chempionat bir qarashda o‘zini oqlayotganday ko‘rinadi. Futbolimiz tepasiga kelgan yangi mutasaddilarning bu qarori avvaliga biroz norozilik uyg‘otganday bo‘lgan edi. Oxirida esa asta-sekin bu qaror o‘zini oqlamoqda. Shuni aytish joizki, ichki chempionatning kuchayishi avtomatik ravishda terma jamoamizni kuchayishiga olib keladi. Janubiy Koreya, Yaponiya, Saudiya Arabistoni, Avstraliya singari grandlarning kuchli ichki chempionati ularning terma jamoalarida so‘zsiz aks etadi. Umid qilamizki, asta-sekinlik bilan bu chempionatlar qatoriga bizning Superligamiz ham qo‘shiladi. Yana qaytaraman: agar shu tempda ketsak, yaqin 5 yil ichida ancha yutuqlarga erishamiz.
Shu fursatdan foydalanib qadrli vatandoshlarimizga murojaat qilmoqchi edim. Keling, stadionlarga qaytaylik. Muxlislarning tashrifi qanday kuch ekanligini “Navbahor –Lokomotiv” o‘yinida ko‘rdik. Yurtimizning futbol rivoji uchun biz ham hissa qo‘shaylik. Stadionga borgan muxlis hech ham ketgan vaqtiga afsuslanmasa kerak, chunki bizni oldinda bir-biridan murosasiz o‘yinlar, qizg‘in kurash, bir so‘z bilan aytganda, Superliga kutib turibdi!
Yahyoxo‘ja ULUG‘XO‘JAYEV
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
