Avval xabar berganimizdek, O‘zbekiston futbol assosiasiyasi maydonida O‘FA tavsiyasiga binoan Toshkent shahar futbol federasiyasi tashabbusi bilan 2004 yilda tavallud topgan futbolchilar o‘rtasida "Navro‘z festivali" turniri boshlangan edi. Bugun festival tarzda tashkillashtirilgan bahslar nihoyasiga yetdi.
Dastlabki uchrashuda “Paxtakor” jamoasi yoshlari Namanganning "Odil Junior" jamoasini mag‘lubiyatga uchratishdi. Ikkinchi o‘yin “Lokomotiv” va “Nasaf” futbol akademiyalari o‘rtasida kechdi. Uchrashuvning so‘nggi daqiqalarigacha hisob 2:2 ko‘rinishida edi, sanoqli daqiqalar qolganda poytaxtliklar hal qiluvchi to‘pni kiritishdi.
Festivalni tashkil etishdan maqsad natija emas, balki 14 yoshli o‘smirlar terma jamoasiga nomzodlar saralab olish edi. Mazkur terma jamoa bosh murabbiy Azamat Abduraimov boshchiligidagi seleksionerlar uchrashuvlarni kuzatish jarayonida iste’dodli yoshlarning ro‘yxatini tuzishga erishdilar. Unga ko‘ra, “Paxtakor”, “Bunyodkor” va “Nasaf” jamoalaridan 5-6 nafardan, “Lokomotiv”, “Spartak” va "Odil Junior" jamoalaridan 1-2 nafardan nomzodlar termaning dastlabki tarkibiga kiritilishdi. Mazkur saralangan tarkib ertaga "Bunyodkor" futbol akademiyasida “Bunyodkor”ning 15 yoshli tarbiyalanuvchilariga qarshi nazorat o‘yinida maydonga tushishi belgilangan.
Tabiiyki, bu tarkib Abduraimov uchun yakuniy emas, tarkib yil davomida shakllanib borilishi bosh murabbiyning ish rejasidan o‘rin olgan. Qolaversa, yaqinda 14 yoshlilar o‘rtasida O‘FA taqvimi doirasida o‘tadigan turnirdan keyin yana tarkibga bir qator nomzodlar kiritilishi belgilangan. Shu turnirlar so‘nggida yuz nafarga yaqin kengaytirilgan tarkib tuzilishi, aprel, mart va may oylarida tashkil etiladigan o‘quv-mashg‘ulot yig‘inlari davomida yoshlar saralab olinishi va yakunda 30-40 nafarli tarkib shakllantirilishi bo‘yicha reja ishlab chiqilgan.
Ish rejasida shu yilning yoz oylarida Markaziy Osiyo davlatlarining birida aynan shu yoshdagi o‘smirlar o‘rtasida Markaziy Osiyo davlatlari o‘rtasida o‘ziga xos xalqaro turnir o‘tkazish ham o‘rin olgan.
24 mart.
"Paxtakor" - "Odil Junior" – 3:1
"Lokomotiv" - "Nasaf" – 3:2
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
