Mana bir necha kundirki, o‘zbek futboli vatani bo‘lmish Qo‘qonda futbol bayrami hukmronlik qilmoqda. Muhtaram Prezidentimiz tomonidan qabul qilingan o‘zbek futbolining 105 yilligini keng nishonlash, o‘zbek futbolining tamal toshi qo‘yilgan Qo‘qon shahrida yangi stadion barpo etish to‘g‘risidagi qarorlari qo‘qonlik minglab futbol ixlosmandlarini quvontirgani bor gap. Ular buning uchun Prezidentimizga minnatdorchilik izhor etishdan charchashmayapti.
Qo‘qondagi “Markaziy” o‘yingoh bugungi kunga kelib barchaning havasini keltiruvchi darajada ta’mirlandi. Yangi mavsumda “Qo‘qon-1912” jamoasi ham zamonaviy ko‘rinishga ega stadionda to‘p suradi. Qo‘qonlik futbol muxlislari yangi mavsum ochilishini sabrsizlik bilan kutishmoqda. Nihoyat ular orziqib kutgan kunlar yaqin.
Ertaga, 31 mart kuni o‘zbek futboli vatani hisoblanadigan Qo‘qon shahridagi “Markaziy” stadionda 2018 yilgi mavsumning ochilish marosimi tashkil etiladi. Tantanali tadbirda O‘zbekiston Milliy olimpiya qo‘mitasi Prezidenti, mamlakat futbol assosiasiyasi birinchi vise-prezidenti Umid Ahmadjonov ishtirok etadi.
Ayni damda ochilish marosimini yuqori darajada o‘tkazish borasida keng ko‘lamli ishlar amalga oshirilmoqda.
Ertaga “Qo‘qon-1912” – “Navbahor” uchrashuvidan oldin bo‘lib o‘tadigan tadbir o‘ziga xosligi bilan ajaralib turadi hamda muxlislar uchun unutilmas onlarni taqdim etadi, desak mubolag‘a bo‘lmaydi. Bu uchrashuvni bayramona tarzda o‘tkazish uchun stadionda juda katta tayyorgarlik ishlari olib borilmoqda.
Marosimning birinchi qismida bundan 105 yil oldin O‘zbekistonga futbol qanday kirib kelgani, uning asoschilari kimlar bo‘lgani tug‘risidagi sahna ko‘rinishi yig‘ilganlarga ko‘rsatib beriladi.
Bundan tashqari, estradamiz yulduzlari o‘z chiqishlari bilan futbol ishqibozlarini xursand etishga bel bog‘lashgan. Muxlislarimiz uchun teatrlashtirilgan konsert dasturi namoyish etiladi.
Ertaga katta futbolni sog‘ingan muxlislar uchun haqiqiy bayrami bo‘ladi. Bir so‘z bilan aytganda, yangi ta’mirdan chiqarilgan "Markaziy" stadionda, muxlislar uchun juda katta bayram tadbiri o‘tkazilishi rejalashtirilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов.jpg)
Қаҳрамон Асланов
Шуҳрат Шокиржонов
Шерзод Ражабов
