Bekobodning “Metallurg” jamoasi a’zoalari dushanba kunidan e’tiboran Qibray o‘quv-mashg‘ulot maskanida Superliganing 5-turidan o‘rin egallagan “So‘g‘diyona” jamoasiga qarshi tayyorgarlikni boshlab yubordi. Har kuni ikki mahaldan nazariy va amaliy mashg‘ulotlar olib borilyapti. Futbolchilarning kayfiyati a’lo, shu boisdan keyingi uchrashuvga ham tayyorgarlik ko‘ngildagidek o‘tmoqda.
Jamoada jarohat olgan o‘yinchilar bor. ular jamoa shifokorining nazorati ostida individual tarzda shug‘ullanishyapti. Umumiy olganda esa murabbiylar shtabi o‘yinchilarning ruhiy va funksional tayyorgarligidan qoniqish hosil qilishyapti.
Bugun ertalab jismoniy tayyorgarlikni tiklash, to‘p bilan ishlash mashqlariga e’tibor qaratildi. Kunning ikkinchi yarmida Qibray O‘MM ma’naviyat xonasida Ma’rifat soati o‘tkazildi. O‘zbekiston Respublikasi Prezidentining 2018 yil 16 mart kuni qabul qilingan "Futbolni rivojlantirish chora-tadbirlari to‘g‘risida"gi qarorining ijrosi bo‘yicha “Metallurg” jamoasi bosh murabbiyi Andrey Shipilov ma’ruzasi tinglandi.
Andrey Sergeevich o‘z ma’ruzasida mazkur qarorning mamlakatimizda millionlar o‘yini rivoji hamda ommaviyligini oshirishdagi muhim ahamiyati, futbol klublari, bolalar futbol maktablari, akademiyalar infratuzilmasini mustahkamlash, ularga qo‘shimcha qulayliklar yaratib berish borasidagi o‘rni, nufuzi haqida atroflicha to‘xtalib o‘tdi. Mamlakatimiz Prezidenti tomonidan ko‘rsatilayotgan rag‘batga munosib bo‘lish, “Metallurg” PFK ham yurt futboli ravnaqida chetda qolmasdan, o‘zining munosib hissasini qo‘shishi shartligi, milliy chempionatda ijobiy ishtiroki orqali minglab, millionlab muxlislar qalbini quvonchga to‘ldirish, xalqaro maydonlarga chiqish yo‘lida har bir mutaxassis, murabbiy hamda futbolchida ustuvor maqsad bo‘lishi kerakligini ta’kidlab o‘tdi.
Ma’rifat soatida ishtirok etgan jamoa murabbiylari Alisher Ahmedov, Fevzi Davletovlar ham O‘zbekistonda sportga, xususan, uning eng ommaviy turi – futbolni rivojlantirishga Davlat, Hukumat miqyosida katta e’tibor berilayotganligini mamnuniyat bilan qayd etishdi. Bu kabi e’tibor, yaratilayotgan shart-sharoitlarga yarasha yuqori natijalar sari dadil odimlash, yurt sha’nini hamisha munosib himoya etish futbolchilarning bosh maqsadi ekanligini doimo yodda tutishlarini aytib o‘tishdi.
Yakunda jamoa rahbariyati, bu kabi ma’rifat soatlarini tez-tez o‘tkazib turilishini ta’kidlab o‘tdi.
“Metallurg” klubi matbuot xizmati
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
