O‘zbekiston Kubogi 1\16 final bosqichi doirasidagi markaziy uchrashuv shubhasiz Andijondagi “Sog‘lom avlod” stadioni bo‘lib o‘tdi. Muxlislar 15 aprel oqshomida vodiy derbisi nomi ostidagi “Andijon” hamda “Navbahor” jamoalari ishtirokidagi shiddatli o‘yin guvohiga aylandilar.
Oldindan kutilganidek, ushbu o‘yin juda keskin va murosasiz tarzda bo‘lib o‘tdi.
Garchi “Andijon” pro-ligada qatnashayotgan bo‘lsa-da, Superligadagi raqibiga qarshi mardonavor o‘yin ko‘rsatgani bilan ko‘pchilikning e’tiborini qozona oldi.
Ma’lumki, oldingi yillardagi kabi Kubok bellashuvlari uy va safar tizimida emas, balki bu yildan boshlab g‘olib jamoa nomi faqat bitta o‘yinda aniqlanadi. Shu ma’noda aytganda ham ushbu o‘yinga bo‘lgan qiziqish yanada kuchli bo‘ldi.
O‘yin taqdirini esa 78-daqiqada Nodir Mavlonovning jarima zarbasidan kiritgan ajoyib goli hal qildi. O‘sha vaziyatda hujumchi Davron Isoqovga nisbatan Aziz Turg‘unboyev qo‘pollik ishlatgani uchun bosh hakam jarima zarbasini belgiladi.
Mavlonov esa taxminan 25 metr uzoqlikdan to‘pni qoyilmaqom tarzda Akbar To‘rayev qo‘riqlayotgan darvozaning pastki o‘ng burchagiga aniq joylab qo‘ydi. Ushbu goldan ko‘p o‘tmasdan “Navbahor” darvozaboni Akbar To‘rayev va sardori Dilshod Jabborovning o‘zaro tushunmovchiligidan Sunnat Mamadaliyev unumli foydalanishi mumkin edi.
Ammo yarim himoyachi bo‘sh qolgan darvozani ishg‘ol eta olmadi. So‘nggi pallada zarba yo‘liga Mirzohid G‘ofurov to‘g‘anoq bo‘ldi. Umuman olganda, namanganliklar ham xavfli hujumlar uyushtirishdi. Ammo imkoniyatlardan foydalanishda ularga sovuqqonlik yetishmadi.
“Andijon” futbolchilari esa bosh murabbiy Eldor Sakayevning ko‘rsatmasi asosida o‘yin namoyish etgani uchun ham muxlislarini xursand qila oldi.
E’tiborlisi, pro-liganing dastlabki ikkita turida ishonchli g‘alabalarga erishgan holda o‘z darvozasi dahlsizligini saqlab kelayotgandi va bu yoqimli an’anani “Navbahor”ga qarish o‘yinda ham davom ettirdilar.
Shu tariqa, “Andijon” O‘zbekiston Kubogining 1\8 final bosqichiga yo‘llanmani qo‘lga kiritdi. “Burgutlar”ning yuksalayotgan parvozi bardavom bo‘lsin.
“Andijon” – “Navbahor” – 1:0 (0:0).
15 aprel. Andijon. «Sog‘lom avlod» stadioni, 6100 tomoshabin.
Gol: N.Mavlonov, 78 – 1:0.
Hakamlar: A.SHukurullayev, R.SHoaxmetov, N.Afinogenov.
Nazoratchi: A.Hotamov.
Komissar: M.Saidqosimov.
“Andijon: A.Ortiqov, S.Hamroyev, I.Mamatkazin, M.Zokirjonov (S.Abdullajonov, 67), I.Otaxonov, S.Mamadaliyev, E.Boymatov, L.Ubaydullayev, O.Hakimov, SH.Jumaboyev (N.Mavlonov, 67), H.SHokirov (D.Isoqov, 46).
“Navbahor”: A.To‘rayev, D.Stanoyevich (S.Sulaymonov, 54),T.Payovich, D.Hoshimov, M.G‘ofurov, O.O‘runov (A.No‘’monov, 36), D.Jabborov, Z.Pirimov (B.Sa’dilloyev, 82), A.Aliyev, A.Turg‘unboyev, A.Allaniyozov (N.Inyas, 54).
Ogohlantirishlar: A.Turg‘unboyev, 35. D.Stanoyevich, 49. N.Inyas, 76. D.Isoqov, 83.
«Andijon» matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
