PSV klubi Gollandiya chempionligini rasmiylashtirdi. Soccer.ru blogeri shu munosabat bilan muxlislarni Erediviziyadagi iqtidorli futbolchilar bilan tanishtirishga qaror qildi.
So‘nggi paytlarda Gollandiya chempionatiga bo‘lgan qiziqish sezilarli ravishda pasaydi. Buning o‘ziga xos sabablari bor va ushbu mavzuda ko‘p gapirilgan. Mazkur turnir avvallari yangi yulduzlar, ajoyib iqtidorga ega yoshlarni kashf etib, ularni top-klublarga kuzatib qo‘yardi.
Ammo bu siyosat o‘z so‘zini aytdi. Gollandiyada qolgan futbolchilarning saviyasi avvalgilaridan past ekanligi oydinlashdi. Avvallari Angliyaning kuchli klublari lolalar yurtidagi iqtidorlarga xaridor bo‘lishardi, hozir esa o‘rtamiyona yoki autsayder jamoalarda ham ushbu mamlakatdagi yulduzlarni sotib olish uchun mablag‘ yetadi.
Shuningdek, ayrim an’analar o‘zgarmoqda. Masalan, endilikda Gollandiyaga faoliyatini yakunlash arafasidagi tajribali futbolchilar kelishmoqda, avvallari bunaqasi uchramasdi. Qisqasi, butsasini mixga ilishga shaylanayotganlarga ham joy topilmoqda.
Qaysidir ma’noda, bu yaxshi hol, zero Xuntelar yana «Ayaks» safida gollar urmoqda. Ammo vaziyatning bunday tus olishi Gollandiyada ushbu «qariyalar»ning o‘rnini egallashga qodir yoshlarning yetarli emasligini bildiradi. To‘purarlar poygasidagi ko‘rsatkichlar esa hujumchilar borasida ham tanqislik borligini isbotlaydi.
Bir-ikki yil avval eng yaxshi mergan o‘ttiztalab to‘p kiritgan bo‘lsa, hozir «Villem II» futbolchisi 16ta gol bilan peshqadam bo‘lib turibdi. Yana ko‘plab forvardlarda 14-15tadan gol bor.
Bu esa maqtovga loyiq natija emas. Shunga qaramay, top-klublarda salohiyatini namoyon eta oladigan, tez orada xaridorlari ko‘payishi kutilayotgan futbolchilar ham yo‘q emas. Quyidagi ro‘yxatda o‘sha iqtidorli yoshlar bilan tanishtiramiz.
Matiys de Ligt («Ayaks»)
Shartnomasi: 2021 yilgacha
Narxi: 25 mln. yevro (narxlar Transfermarkt ma’lumotlari asosida ko‘rsatilgan)
Nufuzli portal kutilmaganda Gollandiya chempionatidagi eng qimmat o‘yinchi sifatida markaziy himoyachini qayd etdi. Ammo bunga hayron bo‘lish shartmas.
De Ligt endigina 18 yoshni qarshilaganiga qaramay, yuqori saviyali o‘yin ko‘rsatmoqda. Umuman, gollandlar orasida bunday baquvvat, chapdast, aqlli va universal himoyachilar tobora ko‘paymoqda. Matiys bu borada van Deyk hamda de Vreyning ortidan bordi.
Mazkur holatda muayyan potensial haqida gap bormoqda. Boshqa tomondan, «Manchester Siti» sharofati bilan himoyachilarning narxi keskin ortdi, chunki ular hozir tanqis. Demak, de Ligt hamda mudofaa chizig‘ining boshqa vakillari o‘zlarining nimalarga qodirliklarini isbotlashlariga to‘g‘ri keladi.
Irving Losano (PSV)
Shartnomasi: 2023 yilgacha
Narxi: 22 mln. yevro
Gollandiya chempionligini nishonlagan PSV vingerining kuchli klubga o‘tish imkoniyati yuqori. Eyndxoven jamoasi Losanoni sotish orqali katta daromad olishi mumkin: o‘tgan yili meksikalik futbolchini «Pachuka»dan 8 million yevroga xarid qilgandi.
Ayni payt PSVning eng yaxshi to‘purari (chempionatda 15ta gol, 12ta assist rasmiylashtirgan) ko‘plab top-klublar kuzatuvida. Ular orasida Londonning «Arsenal», Dortmundning «Borussiya»sidan tortib, «Manchester Siti»gacha bor.
Muzokaralar davomida ushbu futbolchining narxi 60-70 million yevrogacha oshishi kutilmoqda. Bu tabiiy hol, zero Losanoning yoshi 22da, eyndxovenliklar bilan 2023 yilgacha shartnoma imzolagan. Irvingdagi universallik har qanday jamoaning kuchayishiga zamin yaratadi.
Kasper Dolberg («Ayaks»)
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
