Superliga 9-tur o‘yinlari o‘z nihoyasiga yetdi. Bugun yana 3ta o‘yin bo‘lib o‘tdi. “Bunyodkor” safarda “Qo‘qon-1912” klubiga kichik hisobda mag‘lub bo‘ldi, “Qizilqum” o‘z maydonida AGMK jamoasini yirik hisobda taslim etdi.
“Nasaf” jamoasi esa mavsumdagi ilk mag‘lubiyatini Jizzaxda “So‘g‘diyona”dan qabul qilib oldi.
Superliga uchrashuvlari tobora qizg‘in tus olmoqda. 9-turdan o‘rin olgan “Toshkent derbisi” “Lokomotiv” – “Paxtakor” uchrashuvini bevosita stadiondan 19 100 nafar muxlis kuzati borgani ham ushbu fikrga asos bo‘ladi.
Jamoalar har bir o‘yinda g‘alaba uchun astoyidil kurashishmoqda, bu esa uchrashuvlarni tomosha qilish uchun stadionlarga tashrif buyurayotgan muxlislarga ham katta zavq bag‘ishlayapti.
O‘z o‘rnida O‘zbekiston futbol assosiasiyasi va Professional futbol ligasi rahbariyati stadionlarga yanada ko‘proq futbol muxlislarini jalb qilish maqsadida bir qator chora-tadbirlarni amalga oshirishmoqda.
Superliganing 10-turi o‘ziga xos kichik yubiley tur hisoblanadi. Mana shu turda stadionlarda haqiqiy futbol bayrami tashkil qilish, muxlislarga yanada ko‘proq qulayliklar yaratish maqsadida bir qator qiziqarli yangiliklar yo‘lga qo‘yilishi haqida avval xabar berib o‘tgandik.
Jumladan, 10-turda o‘yinlar bo‘lib o‘tadigan 6ta stadionning har birida o‘yinni tomosha qilish uchun kelgan muxlislarga Superliga titul homiysi “PEPSI” kompaniyasi tomonidan bepul salqin ichimliklar tarqatiladi.
10-tur o‘yinlari oldidan stadionlarda estradamiz yulduzlari ishtirokida qiziqarli shou-dasturlar namoyish qilinadi.
Shuningdek, stadionlarga oilaviy tashrif buyuradigan muxlislar va jajji bolakaylar uchun bir qator qiziqarli attraksionlar, turli sovrinli o‘yinlar tashkil qilinadi.
Stadionlarda velosiped va roliklar ijarasi yo‘lga qo‘yilib, o‘yin boshlangunga qadar muxlislar ulardan foydalanishlari mumkin bo‘ladi.
O‘zbekiston futbol assosiasiyasi tomonidan 10-turning har bir o‘yiniga 2 mingtadan chiptalar bepul muxlislarga tarqatiladi.
Superligaga 10-turidan o‘rin olgan o‘yinlar yakuniga yetganidan so‘ng 6ta stadionning har birida o‘ziga xos lotoreya tashkil qilinadi. Lotoreyada omadi kelgan ikki nafardan muxlisga O‘zbekiston futbol assosiasiyasi tomonidan Iphone 8 smartfoni taqdim qilinadi.
Superliga uchrashuvlarini tomosha qilish uchun stadionlarga kelgan muxlislar shu kuni mazza qilib hordiq chiqarishlari, vaqtlarini chog‘ o‘tkazib, qiziqarli kurashlarga boy chempionat o‘yinlarini tomosha qilish imkoniyatiga ega bo‘lishadi.
Superliga uchrashuvlarini tomosha qilish uchun stadionlarga tashrif buyuring va o‘zingizni sevimli jamoangizni qo‘llab-quvvatlang! Barchani stadionlarga chorlab qolamiz!
Andijon
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
