Bugun e’tiboringizga jamoasini tezroq o‘zgartirishi kerak bo‘lgan futbolchilarning top yettiligini taqdim etamiz.
7-o‘rin. Nabil Fekir (“Lion)
Reytingimizni Nabil Fekir ochib beradi. Ixchamgina jussasi bilan maydonda aql bovar qilmas ishlarni amalga oshirayotgan «Lion» jamoasi sardori hozirda ko‘pchilikni o‘ziga qarata olgan, desak adashmagan bo‘lamiz. Ayniqsa, bu mavsuda u ajoyib o‘yinlarni o‘tkazdi. Hozirda u sport formasining cho‘qqisiga chiqib kelyapti, lekin xali terma jamoa darajasiga chiqa olmadi. Fekirning imkoniyatlari «Lion» jamoasidan kuchliroq klubda o‘ynashga bemalol yetadi. U terma jamoada o‘ynashi uchun ham jamoasini almashtirishi kerak.
6-o‘rin. Fred (“Shaxtyor”)
Braziliyalik iqtidor egasi o‘zining boshqa sobiq jamodoshlari (Villian, Fernandinyo, Fernando) singari ulkan potensial egasi. Hozirda uning atrofida bir necha top-klublar «o‘ralashib» yurishipti. Fred tezroq jamoani o‘zgartirishi kerak. Chunki keyingi mavsumda unga qiziqish bildirayotganning soni kamayishi aniq.
5-o‘rin. Ayose Peres ("Nyukasl")
Ko‘pchilikni hayron qoldirgan holda 5-o‘rinda — Ayose Peres. “Nyukasl” jamoasining so‘nggi yilardagi o‘ziga xos yuziga aylanib borayotgan bu yosh iqtidor egasi bekorga bizning reytingimizga kirmadi. Juda yoshligidayoq «Tumanli albion»dagi katta o‘yinlarda o‘zini yo‘qotib qo‘ymagan bu shovvozningo‘sishi uchun imkoniyat bor. Hali yana ham potensialini oshirishi mumkin, lekin buning uchun o‘z ustida ishlashni to‘xtatmasligi lozim.
4-o‘rin. Memfis Depay (“Lion”)
Memfis «Manchester Yunayted»ga kelganida ko‘pchilik «7-raqamning egasi keldi», — deb o‘ylagan edi. Lekin, ammo, biroq…O‘sha payt unga nimadir yetishmagan edi. Ruhan biroz toliqqan Memfis Lion shahriga ko‘chib ketdi… Bu uning hayotidagi eng to‘g‘ri qarorlaridan biri bo‘lsa ajab emas. Chunki u ikki qadam oldinga tashlash uchun bir qadam ortga chekingan edi. Ikki qadam oldinlab, allaqachon yana xammani o‘ziga qaratishning uddasidan chiqdi. «Lion» jamoasiga kelib ham jismonan, ham ruhan o‘sishga muvaffaq bo‘ldi. Hozirda uning ko‘zlarida o‘sha payt «Manchester Yunayted»da sezilmagan o‘ziga ishonch hisi shundoq ko‘rinib turibdi.
3-o‘rin. Aleksandr Golovin (SSKA)
Ko‘pchilik muxlislarning hayron qolishiga arziydigan o‘rin, lekin buning izohi oddiy. Golovinning o‘yinlarini tomosha qiling. Bu rus yigiti maydon markazida hujum boshlayotganida yugurayotganga sira o‘xshamaydi, huddi uchib ketayotgandek his uyg‘otadi kishida. Bu o‘ringa munosib ko‘rilishining sababi reytingimizdagi undan avvalgi o‘rinlarni egallagan futbolchilardan ham ko‘proq bu futbolchining iqtidori xavf ostida. Chunki Rossiya ichki chempionatida ko‘plab iqtidorlarni boy berdi. Navbat Golovinga kelmasidan oldin u tezroq ketishi kerak. Unga ingliz klublaridan jiddiy takliflar bo‘lmoqda. Golovinning hujum boshlash mahorati hozirda ekspertlar tomonidan yuqori baholanmoqda. Rus muxlislarining undan umidi katta.
2-o‘rin. Marko Roys («Borussiya» Dortmund)
Ha, Klopp qurib ketgan «Borussiya»ning devorlari tobora nurab bormoqda. Jamoa sekinlik bilan Yevropaning o‘rtamiyona jamoasiga aylanib bormoqda. Klopp davridagi jamoadan deyarli hech nima qolmadi. Roys bilan bir vaqtda dunyoga tanilgan yulduzlar (Gyotse, Xummels, Gyundogan, Levandovski) allaqachon top klublarga o‘tib ketishdi. Lekin, Roys cho‘kayotgan kemaning kapitani obrazida, go‘yo. Garchi, bir necha top-klublar qiziqish bildirayotgan bo‘lsa-da, lekin u ketishni xohlamayapti.
1-o‘rin. Mauro Ikardi («Inter»)
Ajoyib hujumchi, ”gol mashinasi”, ”Inter”ning ham sardori, ham yuragi, muxlislar yoqimtoyi, e, sanasak unda ancha-muncha maqtovga loyiq jihatlarni topsak bo‘ladi, lekin eng qiziq tomoni, u terma jamoadan tushib qoldi. Dunyoning eng kuchli klubi bo‘lgan «Real» dek jamoa ishqida yonayotgan futbolchi, ba’zi bir ekspertlarning aytishicha, «eng yaxshi 9-raqam o‘yinchisi» bo‘lishiga qaramasdan mundialsiz qolib ketsaya… Unda ikkita variant bor: yo «Inter»da qolib, «Roma»ning Tottisi singari klub afsonasi bo‘lib qolish, yoki vaqtida jamoani almashtirib yuqoriroq darajaga chiqish. U qaysi yo‘lni tanlasa ham adashmaydi, ammo individual yutuqlar uchun jamoasini almashtirishi kerak, nazarimizda.
Yahyoxo‘ja ULUG‘XO‘JAYEV
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
