Italiya futboli uchun navbatdagi yevromavsum mazmunli va rang-barang tarzda o‘tdi. Ayrim o‘yinlardan so‘ng «Kalcho»dagi inqiroz haqida gapirilgan bo‘lsa, boshqalari avvalgi shonli davr qaytayotganiga ishora qildi.
Italiya joriy mavsum 17,333 koeffisiyent to‘plab, bu borada faqatgina Ispaniya va Angliyadan ortda qoldi. O‘sish yaqqol ko‘rinmoqda: italyanlar o‘tgan mavsum 14,250, undan oldingisida esa bor-yo‘g‘i 11,500 ball yig‘ishgandi.
To‘g‘ri, 2014|2015 yillar mavsumidagi ko‘rsatkich (19,000) takrorlanmadi, ammo o‘sha natijani istisno tariqasida qabul qilish darkor.
Hattoki, «Inter»ga Chempionlar Ligasi bosh sovrinini hadya etgan 2009|2010 yillar mavsumida ham «A» seriya kamroq (15,428) ball to‘plagandi.
Italiya so‘nggi besh yil mobaynida erkin jadvalning uchinchi pog‘onasiga mustahkam o‘rnashib, Germaniyani ortda qoldirdi. Yetakchilar beshligi quyidagicha ko‘rinishga ega: Ispaniya - 106,426, Angliya - 79,605, Italiya - 76,249, Germaniya - 71,427, Fransiya - 56,415.
Yana bir diqqatga molik holat: endilikda Italiya sharafini himoya qilish yuki faqatgina «Yuventus» zimmasiga yuklatilmaydi. Turinliklar 2012|2013 yillar mavsumidan buyon Yevropada italyan klublari orasida hammadan ko‘p ochko to‘plashgandi.
Bu safar an’ana buzildi - eng katta koeffisiyent «Roma»ga nasib qildi. «A» seriya hamon «bir jamoa chempionati» maqomini yo‘qotgani yo‘q, biroq «Yuventus» gegemoniyasi boshqalarning kuchsizligi sababli emas, balki «Keksa sinyora»ning kuchi va barqarorligi evaziga davom etmoqda.
O‘z navbatida, Italiyaning boshqa top-klublari ham qit’a darajasida yuqori o‘rinlarga da’vogarlik qilishlari mumkinligini isbotlashdi. Bugungi fotojamlanma «A» seriya vakillarining joriy yevromavsumdagi ishtiroki tahliliga bag‘ishlanadi.
«YUVENTUS»
Yakuniy manzil: YECHL 1|4 finali
Ko‘rsatkich: +5+3-2, 14-13
Eng yaxshi o‘yin: «Tottenxem» (safarda) - 2:1
Eng muvaffaqiyatsiz o‘yin: «Real» (uyda) - 0:3
Asosiy figura: Jorjo Kyellini. Londondagi o‘yinning so‘nggi daqiqalari qahramon va «Real»dan qabul qilingan mag‘lubiyatli uchrashuv antiqahramoni.
Hal qiluvchi vaziyat: Madriddagi bahsda belgilangan penalti keng miqyosdagi shov-shuv va Janluiji Buffonning ajoyib iborasiga zamin yaratdi.
O‘ziga xos holat: Janluiji Buffon yana Chempionlar Ligasi bosh sovrinidan quruq qoldi.
Baho: 6,5 (shu va keyingi o‘rinlarda 10 balli tizim baholangan)
«ROMA»
Yakuniy manzil: YECHL yarim finali
Ko‘rsatkich: +6+2-4, 21-19
Eng yaxshi o‘yin: «Barselona» (uyda) - 3:0
Eng muvaffaqiyatsiz o‘yin: «Liverpul» (safarda) - 2:5
Asosiy figura: Edin Jeko. YECHL «pley-off» bahslarining qatorasiga beshta o‘yinida gol urdi.
Hal qiluvchi vaziyat: chorak final o‘yinlariga qur’a tashlash marosimida Totti «Barselona» yozuvli qog‘ozni ochdi.
O‘ziga xos holat: rimliklar o‘z maydonlarida o‘tkazilgan 6ta o‘yinning 5tasida g‘alaba qozonishdi. Vaholanki, Italiya «A» seriyasi uchrashuvlarida «Roma» ko‘pincha «Olimpiko»da yutqazayotgandi.
Baho: 8
«NAPOLI»
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Paxtakor
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
