2018 yil 17 may kuni Qoraqalpog‘iston Respublikasi “Mahalla” kengashi bilan hamkorlikda O‘zbekiston Respublikasi Prezidenti Shavkat Mirziyoyevning 2018 yil 16 martdagi PQ-3610-sonli “Futbolni yanada rivojlantirish chora-tadbirlari to‘g‘risida”gi qarorining “Davlat-xususiy sheriklik asosida futbol maydonlarini qurilishini nazarda tutuvchi “har bir mahallada futbol maydoni” dasturini amalga oshirish mexanizmi mavzusida yig‘ilish bo‘lib o‘tdi.
Yig‘ilishda O‘zbekiston futbol assosiasiyasi kadrlar bo‘limi inspektori Muhiddin Karimov Qoraqalpog‘iston tumanlaridagi mahalla fuqarolari yig‘ini raislari bilan suhbat o‘tkazdi.
Yig‘ilish davomida Prezident qarori ijrosini ta’minlash bo‘yicha amalga oshirilayotgan chora-tadbirlar haqida so‘z yuritildi. Mahalla fuqarolar yig‘ini raislari yoshlar orasida futbolni ommalashtirish, uyushmagan yoshlarni sportga jalb etish va sog‘lom turmush tarzini targ‘ib qilishda “har bir mahallada futbol maydoni” dasturining ahamiyati yuqori ekanini ta’kidlab o‘tildi. Shuningdek, ushbu loyiha bo‘yicha mahallalarda futbol maydonlari qurilishini boshlash uchun zarur vositalar bo‘yicha fikr almashildi.
Faqatgina futbol maydoni bilan cheklanib qolmay, boshqa sport turlari – basketbol, volleybol kabi sport turlari uchun ham maydonchalar, trenejerlar, ona-bola maydonchalari barpo etish kerakligi, shuningdek, maydonlarda muxlislar uchun o‘rindiqlar, kiyim almashtirish xonalari va yuvinish xonalari mavjud bo‘lishiga alohida ahamiyat qaratish kerakligi ta’kidlab o‘tildi.