O‘zbekiston Respublikasi Prezidentining 2018 yil 5 martdagi “Jismoniy tarbiya va ommaviy sport sohasida davlat boshqaruvi tizimini tubdan takomillashtirish chora tadbirlari to‘g‘risida”gi PF-5368-sonli Farmoni hamda 2017 yil 3 iyundagi “Jismoniy tarbiya va ommaviy sportni yanada rivojlantirish chora tadbirlari to‘g‘risida”gi PQ-3031-sonli Qarorlari ijrosini ta’minlash, aholining barcha qatlamlarini jismoniy tarbiya va ommaviy sportga jalb qilish, sog‘lom turmush tarzini targ‘ib qilish maqsadida Milliy olimpiya qo‘mitasi va O‘zbekiston futbol assosiasiyasi tomonidan bir qator ishlar amalga oshirilmoqda.
Yil boshidan beri respublika bo‘ylab Oliy ta’lim muassasalari talabalari o‘rtasida futbol bo‘yicha “O‘zbekiston futbol assosiasiyasi Kubogi” musobaqasi o‘tkazilayotganidan futbol muxlislarining xabarlari bor.
Joriy yilning 22-24 may kunlari Farg‘ona viloyatida “Neftchi” PFKga qarashli sport maydonlarida Namangan, Andijon va Farg‘ona viloyatlari OTMlari ishtirokida ushbu musobaqaning hudud birinchiligi bo‘lib o‘tdi.
Murosasiz o‘tgan bahslar natijasiga ko‘ra, Namangan davlat universiteti jamoasi 1-o‘rinni, Andijon davlat universiteti jamoasi 2-o‘rinni hamda Farg‘ona davlat universiteti jamoasi esa faxrli 3-o‘rinlarni egalladilar.
Joriy musobaqaning navbatdagi o‘yinlari 8 iyun kuniga qadar Toshkent shahri, Samarqand, Qashqadaryo va Buxoro viloyatlari bo‘ylab davom etadi.