Xabar berib o‘tganimizdek, bugun 23 iyun kuni mamlakatimizda Xalqaro Olimpiya Qo‘mitasining “Olympic Day” bayrami keng nishonlanmoqda. Bugun ertalabdan poytaxtimizdagi “Milliy” stadionda yengil atletika hamda velosport bo‘yicha musobaqalar tashkil etildi. Unda aholining turli qatlamlari, turli yosh toifasidagi professional va havaskor sportchilar o‘z imkoniyatlarini sinab ko‘rishdi.
Kechki dasturda muhlislarni ajoyib futbol shousi kutib turibdi. Bayram bahonasida Milliy olimpiya qo‘mitasi yurtimiz sportining rivojlanishi, uning taraqqiyotiga ulkan hissa qo‘shgan bir guruh faxriylarni mukofotladi. Milliy olimpiya qo‘mitasi majlislar zalida tashkil etilgan tadbirda O‘zbekiston sport faxriylari kengashi raisi Komiljon Xudoyberganov so‘zga chiqib, tadbir ishtirokchilarini bugungi bayram bilan tabrikladi va O‘zbekiston Milliy olimpiya qo‘mitasi rahbari Umid Ahmadjonovning tabrigini o‘qib eshittirdi.
Shundan so‘ng sport faxriylariga pul mukofotlari tantanali vaziyatda topshirildi. Faxriylar nomidan so‘z olgan O‘zbekiston Respublikasida xizmat ko‘rsatgan murabbiy, sportning dzyudo va erkin kurash turlari bo‘yicha jahon chempioni, faoliyati davomida ikki yuzdan ziyod shogirdlar tarbiyalagan Aleksandr Istomin ko‘rsatilgan e’tibor va g‘amxo‘rlik uchun Milliy olimpiya qo‘mitasiga minnatorlik izhor qildi.
Tadbirda shuningdek, taniqli sport faxriylari – og‘ir atletika bo‘yicha ikki karra jahon chempioni va rekordchisi Erkin Karimov, Olimpiya o‘yinlari sovrindori Svetlana Babanina, O‘zbekiston Respublikasida xizmat ko‘rsatgan murabbiy, o‘zbek sportchilari orasida gimnastika bo‘yicha birinchi bo‘lib sport ustasi talablarini bajargan Erkin G‘iyosov, qilichbozlik bo‘yicha faxriylar o‘rtasida Osiyo chempioni Bahodir Nazirov, O‘zbekiston Respublikasida xizmat ko‘rsatgan yoshlar murabbiyi Axbor Imomxo‘jayevlar ishtirok etishdi va taqdirlanishdi.
Sportning basketbol turidan ko‘p karra jahon chempioni, xizmat ko‘rsatgan sportchi Ravilya Salimova hamda boks bo‘yicha jahon chempioni, Oliimpiya o‘yinlarining kumush medali sohibi Rufat Risqiyev kabi faxriylarimizga esa mukofotlar Milliy olimpiya qo‘mitasi xodimlari tomonidan uylariga borib topshiriladigan bo‘ldi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
