Osiyo futbol konfederasiyasi prezidenti Shayx Salmon bin Ibroxim Al Xalifa CAFA prezidenti, O‘FA 1-vise-prezidenti Umid Ahmadjonovni CAFA U-16 Championship musobaqasi muvaffaqiyatli tashkil etilgani munosabati bilan tabrikladi.
Tabriknomada shunday deyiladi:
“Hurmatli Umid Ahmadjonov!
Sizga hamda Markaziy Osiyo Futbol Assosiasiyasiga 5-9 iyul kunlari O‘zbekiston poytaxti Toshkent shahrida CAFA U-16 Championship musobaqasini muvaffaqiyatli tashkil etilgani munosabati bilan o‘zimning samimiy tabriklarim va eng yaxshi tilaklarimni yo‘llayman.
Aminmanki, Markaziy Osiyo futbol konfederasiyasi Sizning rahbarligingiz ostida mintaqangizda futbol rivoji uchun sezilarli hissa qo‘shishda davom etadi.
Siz bilan yaqin kelajakda uchrashishni intiqlik bilan kutib qolaman. O‘zimning iliq tilaklarim ila Shayx Salmon bin Ibroxim Al Xalifa”.
Shuningdek, OFK bosh kotibi Dato’ Vindsor Jon ham CAFA U-16 Championship musobaqasi muvaffaqiyatli tashkil etilgani munosabati bilan o‘z tabrigini yo‘llagan.
"O‘zbekiston poytaxti Toshkent shahrida o‘g‘il bolalar o‘rtasidagi CAFA U-16 Championship musobaqasi muvaffaqiyatli tashkil etilgani munosabati bilan Sizni tabriklaymiz va Vohid Kardanining mazkur musobaqa uchun Toshkentga tashrifi chog‘ida unga ko‘rsatilgan mehmondo‘stlik hamda ko‘mak uchun minnatdorlik bildiramiz.
Sizning Osiyo futboli rivoji va olg‘a siljishi yo‘lida OFKni davomiy qo‘llab-quvvatlashingizni bundan keyin ham kutib qolamiz. Tashakkur.
Hurmat ila Dato’ Vindsor Jon, Bosh kotib", - deyiladi tabriknomada.