Ish bor joyda, kamchilik bor, deyishadi hurmatli muxlislar, biz sizlarning saytimizda ko‘rib turganimizdan bag‘oyatda xursandmiz.
Ammo shu kunlar xabarlar ostida turli xil negativ fikrlarni ham ko‘rib boryapmiz.
Muxlis sifatida saytimiz faoliyatiga bee’tibor emas ekansiz, unda o‘z takliflaringiz va sayt kamchiliklarini shu xabar ostida yozib qoldirishingiz mumkin. Biz sayt xodimlari ushbu kamchiliklarni albatta, bartaraf etamiz.
Ushbu xabar ostida fikr qoldira olmagan muxlislar +998979663232 telefon raqami yoki ushbu Telegram manzil orqali bog‘lanishi mumkin.
Shuningdek, Stadion.uz saytining Telegramdagi muxlislar guruhiga ulanib, o‘z fikrlaringizni bildiring. Guruhga ulanish.
Sizlarni saytimizda ko‘rib turganimizdan yana bir bor xursandmiz.
Darvoqe, bugun Surxondaryo viloyati Termiz shahrida yashaydigan Ismoil Amonov tomonidan bildirilgan murojaat bajariladi. Ko‘z bo‘yicha 1-guruh nogironi bo‘lgan akamiz Futbol TV telekanalining kunlik ko‘rsatuvlar tartibini yozma ravishda saytga yuklashni so‘ragan edilar.
Biz Stadion.uz xodimlari har bir muxlis iltimosini inobatga olgan holda, 1-navbatda shu vatandoshimizga xizmat ko‘rsatishni boshladik.
Albatta, qolgan e’tiroz va takliflar ham vaqt o‘tgan sari amalga oshiriladi. Bizga bo‘lgan ishonch uchun minnatdorchilik bildiramiz.
Akmalxon Eshonxonov