Bugungi uchrashuv har ikki jamoa uchun muhim ahamiyat kasb etardi. Bugungi bahs har ikki jamoa uchun hayot-mamot jangiga aylangandi. Shuning uchun mezbonlar bugungi bahsga jiddiy tayyorgarlik ko‘rishgandi.
Uchrashuvdan avval PFL tomonidan iyul oyida eng yaxshi darvozabon deb topilgan Eldor Suyunov sovrinni qabul qilib oldi. O‘yin kutilganidek shiddatli hujumlar ostida boshlandi. Mezbonlar ilk daqiqalardan oldinga tashlanishdi. Birinchi bo‘limning yarmiga qadar har ikki jamoa vakillari shiddatli hujumlarni tashkil etishdi.
Biroq vaziyatlardan foydalana olmadilar. 34-daqiqada yana mezbonlarda yaxshi imkoniyat vujudga keldi. Asadov ildamroq harakat qilganida raqib darvozaboni bilan birga-bir vaziyatga chiqib ketishi mumkin edi. 37-daqiqada Merzlyakov-Berdiyev-Asadov kombinasiyasi chiroyli ko‘rinish oldi. Oxirgi vaziyatda Asadov biroz to‘pga yeta olmadi.
42-daqiqada “Qo‘qon-1912” burchak to‘pi tepish huquqiga ega bo‘ldi. Burchakdan oshirilgan to‘pdan keyin raqib darvozasi oldida xavfli vaziyat vujudga keldi. So‘nggi pallada Iqbol Malikjonovning zarbasi noaniq bo‘ldi. Tanaffusga jamoalar nursiz durang bilan chiqib ketdi.
Ikkinchi bo‘limni maydon egalari hujumkor ruhda boshlashdi. 52-daqiqada mehmonlar hisobni ochdilar. “Paxtakor”ning navbatdagi hujumidan keyin Milich o‘z darvozamizni ishg‘ol etib qo‘ydi.
Gol o‘tkazib yuborgach, “Qo‘qon-1912” katta kuch bilan hujumga o‘tdi. 58-daqiqada Murod Xolmuhammedovning jarimadan tepgan to‘pi jonli devorga tegib qaytdi. 60-daqiqada Quvondiq Ro‘ziyev chiroyli tarzda jarima maydonchasiga kirib borib, to‘pni qulay vaziyatda turgan sherigiga oshirdi. Zarbadan keyin esa Suyunov “Paxtakor”ni muqarrar goldan saqlab qoldi.
75-daqiqada “Qo‘qon-1912” hisobni tenglashtirdi. Qanotdan boshlangan hujumni Nosir Otaqo‘ziyev raqib darvozasiga joylab qo‘ydi. Bu yerda Quvondiq Ro‘ziyevning harakatlarini ta’kidlash joiz.
Umuman olganda, uchrashuvning oxirgi daqiqalari shiddtali va keskin kurashlar ostida o‘tdi. Ammo muxlislarga boshqa gol kurish nasib etmadi. Shu tariqa, ushbu jamoalarning Qo‘qonda o‘tgan ketma-ket to‘rtinchi uchrashuvida durang natija qayd etildi. Avvalgi o‘yinlarning uchtasi ham 1:1 hisobida yakunlandi.
Superliga, 21-tur.
“Qo‘qon-1912” – “Paxtakor” – 1:1 (0:0)
Hakamlar: Sherzod Qosimov, Rasul Fozilov, Mo‘min Majidov, Jasur Muxtorov.
Nazoratchi: Sayfiddin Ermatov.
Komissar: Ma’mur Saidqosimov.
Gollar: Nosir Otaqo‘ziyev – 75. - Marko Milich – 52 (avtogol).
“Qo‘qon-1912”: 1. O‘tkir Yusupov, 5. G‘iyos Komilov, 11. Firdavs Asadov (4. Bahodir Akramov - 88), 15. Oybek Rustamov, 17. Quvondiq Ro‘ziyev, 19. Suhrob Berdiyev (9. Nosir Otaqo‘ziyev – 69), 22. Murod Xolmuhammedov, 23. Aleksandr Merzlyakov, 55. Darko Gojkovich (96. Muhammadanas Hasanov-57), 65. Marko Milich, 79. Iqbol Malikjonov.
Zaxira: 71. Sarvar Karimov, 41. Saveliy Abramov, 78. Bexruz Sadilloyev, 97. Muslim Qurbonov.
“Paxtakor”: 25. Eldor Suyunov, 4. Sherzod A’zamov, 7. Azim Ahmedov (10. Jamshid Iskanderov – 59), 8. Dilshod Rahmatullayev, 11. Ismael Gonsalvesh (18. Bahrom Abdurahimov – 82), 29. Vladimir Kozak, 34. Farrux Sayfiyev, 55. Marko Simich, 69. Dragan Cheran, 77. Tiago Bezerra (21. Kamoliddin Tojiyev – 70), 88. Igor Sergeev.
Zaxira: 12. Aleksandr Lobanov, 2. Akmal Shorahmedov, 6. Jahongir Ahmadov, 15. Yegor Krimes, 27. Doston Ibragimov, 40. Alisher Salimov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
