Joriy yilning 13 iyul kuni «Huquqiy jamiyat» nashriyoti ta’sischisi, «Mashimpeks» xoldingi vise-prezidenti Shamshod Ergashevich Sarikov Namangan viloyati futbol federasiyasi vise-prezidentligiga tayinlandi. Ma’lumki, ushbu lavozim egasi bevosita viloyatning bosh jamoasi - «Navbahor» uchun ham mas’ul sanaladi.
Shamshod Ergashevich rahbarligining ilk kunlaridanoq yeng shimarib, ishga kirishdi va viloyat futboli hamda «Navbahor» klubida bir qator islohotlarni amalga oshirdi. Xabaringiz bor, namanganliklar birinchi bosqich bahslarini kuchli oltilikda yakunlashdi va endi chempionlik unvonini qo‘lga kiiritish uchun kurash olib borishadi.
Biz amalga oshirilgan islohotlar hamda «Navbahor» jamoasiga oid yangiliklar borasida to‘liqroq ma’lumot olish niyatida Shamshod Sarikovdan intervyu oldik.
- Shamshod Ergashevich, Siz rahbarlikka kelgan ilk kunlardanoq, Namangan viloyati futboli va «Navbahor» klubida bir qator yangiliklarni joriy etdingiz. Shular to‘g‘risida batafsilroq to‘xtalib o‘tsangiz...
- Rahbarligimning ilk kunlaridanoq Namangan viloyatidagi akademiya, shuningdek, barcha BO‘SM va futbol maktablari murabbiylari bilan Namangan shahar hokimi, «Navbahor» PFK prezidenti Shavkat Shokirjanovich Abdurazzaqov, Namangan viloyati Jismoniy tarbiya va Sport boshqarmasi boshlig‘i Shokir Ahmedovich Qoraboyev, Namangan viloyati futbol assosiasiyasi birinchi vise-prezidenti Bahrom Muhitdinovich Xolmirzayev bilan birgalikda yig‘ilish o‘tkazib, ularning muammolari, inventar borasidagi masalalari bilan qiziqib, ulardan iqtidorli yoshlarga ko‘proq e’tibor qaratish, turli yoshdagi O‘zbekiston termalari, qolaversa, viloyatning bosh jamoasi bo‘lmish «Navbahor»ga futbolchilar yetkazib berish, bundan tashqari, respublika miqyosida o‘tkaziladigan musobaqalarda ijobiy natijalarga erishish vazifasi qo‘yildi.
Murabbiylar o‘z vazifalarini qanday bajarishganini har oy yakunlanganidan so‘ng yig‘ilish o‘tkazib, nazorat qilishimni ta’kidladim. Har bir tumanning futbol murabbiylari bilan ham yakkama-yakka holda gaplashib, yaqinroq tanishdim.
Bundan tashqari, Namangan viloyatidagi barcha BO‘SM va futbol maktablarining direktor hamda direktor o‘rinbosarlari bilan ham uchrashib, yoshlarga ko‘proq e’tibor qaratish lozimligi, mendan qanday yordam kerak bo‘lsa, albatta, yordam berishimni ta’kidladim.
Qisqasi, maqsadimiz Namangan viloyatidagi iqtidorli yoshlarga barcha qulayliklarni yaratib, ularga ko‘proq e’tibor qaratish hamda xalqaro maydonlarda o‘z imkoniyatlarini namoyish etishlariga sharoit yaratib berishdan iborat.
- Namangan viloyatining bosh jamoasi - «Navbahor»da qanday yangiliklar amalga oshirildi?
- Xabaringiz bor, jamoa oldiga joriy mavsum yuksak maqsadlar qo‘yilgan va klub kuchli oltilikdan o‘rin egallab, endi 2-bosqichda chempionlik unvoni uchun kurashadi. Ushbu maqsadni amalga oshirish yo‘lida klubimizga Namangan viloyati va shahar hokimligi, shuningdek, homiy tashkilotlar tomonidan barcha sharoitlar yaratib berilmoqda.
Fursatdan foydalanib, ularga o‘z minnatdorchiligimni bildiraman. Mavridi kelganida shuni qayd etish joizki, biz jamoa bosh murabbiyi Ilhom Mo‘minjonov bilan kelishgan holda, kelgusi yili tarkibda mahalliy futbolchilarni ko‘paytirishni rejalashtirganmiz. Xudo xohlasa, kelasi mavsum tarkibning kamida 70 foizi namanganlik o‘yinchilardan iborat bo‘ladi.
- Reglamentga ko‘ra, bu yildan boshlab Superliga klublari qoshida yoshlar jamoasidan tashqari, ayollar, futzal, U-18, U-16 va U-14 jamoalari ham faoliyat yuritadigan bo‘ldi. Ularning ishtiroki borasidagi fikringiz qanday?
- Klubimiz qoshidagi qolgan jamoalarimiz ham chempionat bahslarida imkoniyat darajasida ishtirok etishmoqda. «Navbahor» yoshlarining oldiga 5-o‘rinni egallash vazifasi qo‘yilgan. Ayollar va futzal jamoamiz Superligada joriy mavsumdan qatnashmoqda, U-18 jamoamiz yangi tashkil topganligiga qaramay, ijobiy natijalarni qayd etmoqda hamda so‘nggi 8ta o‘yinda qatorasiga zafar quchdi.
U-16 va U-14 jamoalarimiz ham ijobiy natijalar qayd etishmoqda. Qisqasi, barcha jamoalarimiz uchun yaxshi sharoitlarni yaratib berganmiz. Futbolchilardan faqatgina maydonga tushib, o‘z mahoratlarini namoyish etish qolyapti, xolos.
- Futbol muxlislar uchun o‘ynaladi. Ma’lumki, Namangan futbolsevarlar yurti. Bu borada «Navbahor» ishqibozlariga qanday qulayliklar yaratilmoqda?
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
