Jismoniy tarbiya va sport vazirligi rahbari Dilmurod Nabiyev Qoraqalpog‘istonda aholi bilan badantarbiya mashqlarini bajardi. Bu haqda sport vazirligi matbuot xizmati xabar bermoqda.
“Qoraqalpog‘iston Respublikasi jismoniy tarbiya va sportni ommalashtirish bo‘yicha namunaviy hudud sifatida tanlab olingan bo‘lib, turli sport tadbirlari, musobaqalar va targ‘ibot ishlari samaradorligi tajriba-sinovdan o‘tkazilmoqda.
Prezident tomonidan joriy yilning 20 sentyabr kuni jismoniy tarbiya va sport masalalariga bag‘ishlab o‘tkazilgan yig‘ilishda «Yoshlar haftaligi», «Ta’lim muassasalari haftaligi», «Xotin-qizlar haftaligi», «Mahalla haftaligi», «Nuroniylar haftaligi» kabi shiorlar ostida ommaviy tadbirlar o‘tkazish vazifasi berilgan.
Shunday haftaliklardan birinchisi bo‘lgan «Yoshlar sport haftaligi» O‘zbekistan yoshlar ittifoqi hamda Jismoniy tarbiya va sport vazirligi tomonidan Qoraqalpog‘istonning barcha tumanlarida namuna tarzida tashkil etildi. Haftalik davomida sportning shaxmat-shashka, badiiy gimnastika, mini-futbol, voleybol, stol tennisi, badminton turlari bo‘yicha o‘yinlar tashkil etilib, ularda 200 ming nafarga yaqin yoshlar ishtirok etmoqda.
Haftalik doirasida o‘tkazilayotgan tadbirlarda Jismoniy tarbiya va sport vaziri Dilmurod Nabiyev ham ishtirok etib, haftaliklarda ishtirok etuvchilar qamrovini kengaytirish uchun samarali mexanizmlar qo‘llanilishi lozimligi, mazkur hududda to‘plangan tajriba asosida respublikaning barcha hududlarida haftaliklarni tashkil etilishini ta’kidladi.
Aholining barcha qatlamlari o‘rtasida sportni ommalashtirish uchun targ‘ibot ishlari muhim o‘rin tutadi. Shu sabab mahalliy telekanallar bilan hamkorlikda jismoniy tarbiya va sport masalalariga bag‘ishlab alohida ko‘rsatuv tayyorlanib, unda vazir mahalliy aholini qiziqtirgan savollar javob berdi.
Shuningdek, vazirlik tomonidan qoraqalpoq tilida sog‘lom turmush tarzini targ‘ib qilishga qaratilgan 10 ta ijtimoiy rolik tayyorlanib, mahalliy telekanallar orqali efirga uzatilmoqda.
Dilmurod Nabiyev respublikada aholi uchun mavjud sport inshootlaridan istalgan payti foydalanish imkoniyatining yaratilish holatini ham o‘rgandi.
Jumladan, Nukus shahridagi sport inshootlarida barcha yoshdagi insonlar uchun tashkil etilgan badantarbiya mashqlarini kuzatdi va o‘zi ham ular bilan birgalikda bajardi. Vazir mahallalardagi sport bilan oshno bo‘lgan yoshi ulug‘ insonlar bilan ham suhbatlashib, ularning aholini, ayniqsa, yoshlarni sportga qiziqtirish bo‘yicha fikrlari bilan qiziqdi.
Prezident Shavkat Mirziyoyev tomonidan respublikaning eng chekka hududlarida ham sport bilan shug‘ullanish uchun zarur shart-sharoit yaratish, uni ommalashtirish vazifasi qo‘yilgan bo‘lib, tashrif davomida vazir Dilmurod Nabiyev Qoraqalpog‘istonning eng olis hududi bo‘lgan Qo‘ng‘irotdagi «Qoraqalpog‘iston» shaharchasi (Karakalpakiya)ga borib mavjud sport inshootlarining holati bilan tanishdi.
Yakunda mahalliy hokimliklar mutasaddilari, hududiy boshqarma va sport ta’limi muassasalari rahbarlar bilan jismoniy tarbiya va sportni ommalashtirish bo‘yicha ishlarni jadallashtirish, ommaviy tadbirlar ko‘lamini kengaytirish va eng chekka hududlarda ham inshootlar qurish ham mavjudlarini ta’mirlash bo‘yicha vazifalar belgilab olindi”, deyiladi xabarda.
Eslatib o‘tamiz, avvalroq sport vaziri Dilmurod Nabiyev Indoneziyada o‘tgan Osiyo o‘yinlari musobaqasining ochilish marosimiga sport kiyimida emas, balki kostyum-shimda chiqqani va Jakarta shahridagi sportchilar bilan vaqtida uchrashmagani uchun jurnalist Akmal Eshonxonovning tanqidiga uchragan edi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
