O‘zbekiston Matbuot va axborot agentligi 8 dekabr – O‘zbekiston Respublikasi Konstitusiyasi qabul qilinganligining 26 yilligi munosabati bilan O‘zbekiston futbol assosiasiyasi ko‘magida televideniYE, radio, matbuot nashrlari, internet saytlari, nashriyot-matbaa ijodiy uylari jamoalari o‘rtasida Agentlik kubogi uchun mini-futbol musobaqasi o‘tkazilishini e’lon qiladi.
Musobaqa 5 ta guruhga bo‘lingan jamoalar o‘rtasida tashkil etiladi.
“A” guruhida mamlakatimiz televideniyelari, “V” guruhida radiokanallari, “S” guruhida respublika gazeta va jurnallari tahririyatlari, “D” guruhida internet tarmog‘ida OAV sifatida faoliyat ko‘rsatayotgan veb-saytlar, “E” guruhida Agentlik tizimidagi korxonalarning jamoalari o‘zaro bellashadilar.
Jamoalar yo‘nalishidan kelib chiqib, bitta tahririyatdan yoki bir yo‘nalishdagi bir nechta tahririyat vakillaridan tuzilishi, jamoa a’zolarining umumiy soni 8 nafardan kam bo‘lmasligi lozim.
Uchrashuvlar O‘zbekiston futbol assosiasiyasi tomonidan ajratiladigan tajribali hakamlar ishtirokida mini-futbol qoidalariga ko‘ra tashkil qilinadi.
Musobaqada ishtirok etish uchun arizalar hamda jamoalar ro‘yxati joriy yilning 1 noyabridan 15 noyabriga qadar O‘zbekiston Matbuot va axborot agentligi tomonidan qabul qilinadi. Jamoalar musobaqada ishtirok etish haqida:
- ariza;
- jamoa ro‘yxati;
- jamoa a’zolarining har biri OAV yoki nashriyotda ishlashi haqidagi ma’lumot nusxasini taqdim etishi lozim.
G‘oliblar quyidagi ko‘rinishda mukofotlanadi:
1-o‘rinni egallagan jamoa a’zolarining har biriga kitoblar jamlanmasi, musobaqa kubogi hamda jamoaga 10 million so‘m pul mablag‘i.
2-o‘rinni egallagan jamoa a’zolarining har biriga kitoblar jamlanmasi hamda jamoaga 8 million so‘m pul mablag‘i.
3-o‘rinni egallagan jamoa a’zolarining har biriga kitoblar jamlanmasi hamda jamoaga 6 million so‘m pul mablag‘i.
Shuningdek, “Eng yaxshi o‘yinchi”, “Eng yaxshi to‘purar”, “Eng yaxshi darvozabon”, “Eng yaxshi yarim himoyachi” hamda “Eng yaxshi himoyachi” kabi nominasiyalar bo‘yicha ham g‘oliblar aniqlanadi va pul mukofoti hamda qimmatbaho sovg‘alar bilan taqdirlanadi.
Futbol uchrashuvlari O‘zbekiston futbol assosiasiyasining sun’iy qoplamali maydonlarida 2018 yilning 1-5 dekabr kunlari bo‘lib o‘tadi.
Manzil: Toshkent shahri, Shayxontohur tumani, Navoiy ko‘chasi, 30-uy.
Batafsil ma’lumotlarni (71) 244-23-72, (99) 898-06-20, (99) 870-83-04 telefon raqamlari, Agentlikning www.api.uz rasmiy sayti hamda @matbuotminbari telegram kanali orqali olishingiz mumkin.
Tashkiliy qo‘mita.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
