Kecha, 1 yanvar kuni “Paxtakor” futbol klubi yarim himoyachi Aziz Turg‘unboyev “sherlar” bilan ikki yillik shartnoma imzolagani haqida rasmiy xabar tarqatdi.
Lekin biroz vaqt o‘tgach, Aziz Turg‘unboyevni tarbiyalagan “Navbahor” klubining Telegram’dagi rasmiy kanalida futbolchining shartnomasi yakunlanmagani va u Namangan viloyat futbol assosiasiyasi vise-prezidenti Shamshod Sarikov bilan uchrashgani haqida post e’lon qilindi.
“Futbolchi Azizbek Turg‘unboyevni "Paxtakor" klubi bilan shartnoma imzolaganligi haqida turli OAVlarda xabar tarqaldi. Azizbekni "Navbahor" bilan amaldagi shartnomasi mavjud. 2018 yilgi chempionat yakuniga yetgach bir qator futbolchilar bilan amaldagi shartnoma muddatlari uzaytirilgan.
Turg‘unboyev bilan ham amaldagi shartnoma uzaytirilib, 2020 yilgacha amalda bo‘ladi. Shu sababli Turg‘unboyevni "Navbahor" futbolchisi deyishga asoslarimiz bor”, deyiladi “Navbahor” e’lon qilgan postda.
Ishonchli manbaning tasdiqlashicha, Namangan viloyati hokimi Xayrulla Bozorovning aralashuvidan keyin Aziz Turg‘unboyev “Paxtakor” bilan tuzgan shartnomasini bekor qilib, “Navbahor”da qoladigan bo‘lgan.
Yarim himoyachi ushbu voqealardan so‘ng intervyu berib, Aziz rahbarlar va muxlislar uchun jamoada qolishga qaror qilganini tasdiqladi.
“Paxtakor” bilan muzokaralar bo‘lmagan deya olmayman. Ular bilan shartnomalar masalasida gaplashganmiz. Ammo, yakuniy qarorim “Navbahor”da qolib, chempionlik marrasini zabt etish.
Mana shunday sharoitlarni yaratib berayotgan rahbarlar va muxlislar uchun jamoada qolishga qaror qildim”, degan Aziz Turg‘unboyev.
Shuningdek, poplik futbolchining qo‘shimcha qilishicha, “Paxtakor” bilan tuzilgan shartnomasi borasida hech qanday muammo bo‘lmaydi.
“Bu masalada muammolar bo‘lmaydi deb o‘ylayman. “Navbahor” rahbariyati masalani hal qilishini aytdi. “Paxtakor” rahbariyati meni to‘g‘ri tushunadi deb umid qilaman. E’tibor qilib jamoaga taklif qilganlarida xursandman va rahmat aytaman.
Ammo, yuragim “Navbahor”da. Namanganda futbolning ashaddiy, fidoiy muxlislari juda ko‘p. Jamoamizning shunday fidoiy muxlislari uchun, ularning hurmati uchun, yana “Navbahor”da qolaman. Ularning menga bo‘lgan ishonchlari uchun, qo‘llab-quvvatlab turganliklari uchun barchalariga rahmat deyman”, deya masalaga oydinlik kiritgan Turg‘unboyev.
Shu tariqa, Aziz Turg‘unboyevning “Paxtakor”ga transferi hokim aralashuvi va amaldagi shartnomasi yakunlanmagani hamda klubning fidoiy muxlislari ularning hurmati sabab barbod bo‘lgan.
Akmalxon Eshonxonov
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
