Avstraliya
«ABC News» nashri bugun qiziq bir maqola e’lon qildi. Maqolaning eng shirin joylarini sizlar bilan bo‘lishishga qaror qildik. Qizig‘i shundaki, Avstraliya matbuoti bizning saytlarni yaxshigina kuzatishar ekan.
“O‘zbekiston terma jamoasi guruhida 1-o‘rinda bormoqda. Ular jon-jahdlari bilan shu o‘rinni ushlab qolishga harakat qilishlari aniq. Sababi, Saudiya Arabistoni yoki Qatar bilan kechadigan o‘yin ular uchun anchayin qulay. Yaponiya terma jamoasiga keladigan bo‘lsak, ularda ham xuddi bizdek «o‘tish davri» ketmoqda. Ular guruh bahslarida O‘zbekistonga nisbatan ko‘proq qiynalishdi. O‘zimizga keladigan bo‘lsak, ishlar pachava. Termamiz qax,ramoni va yetakchisi Tim Kehilning yo‘qligi bizga juda ham pand bermoqda”
Qatar
Qatar terma jamoasi iloji boricha bizni aylanib o‘tmoqchi. Ular bunga sabab sifatida milliy terma jamoamizning yangi bosh murabbiyini ko‘rsatishmoqda.
“«Doimiy finalchi» laqabli murabbiy ularning o‘yinini yanada takomillashtirgani Turkmaniston bilan bo‘lgan uchrashuvda yaqqol ko‘rindi. O‘zbekiston o‘yindan-o‘yinga kuchayib boraveradi”,- deya xabar bermoqda mahalliy pressa.
Qatarliklar guruhda 1-o‘rinni olishlari shart ekanligini Qatar matbuot va saytlari qayta-qayta bong urmoqda. Ayniqsa, «QFA.qa» sayti Qatar termasi uchun eng noqulay raqiblar reytingini ham tuzib chiqishga ulgurgan ekan. O‘sha reytingda bizning terma jamoamiz Qatar termasiga Janubiy Koreyadan ham havfliroq va noqulayroq raqib deya ko‘rsatilgan. Qisqacha qilib aytganda, ular o‘z guruhida birinchi o‘rinni olish uchun qo‘ldan kelgan hamma narsani amalga oshirishlari aniq
Yaponiya
Yaponiya ommaviy axborot vositalari o‘z terma jamoalarini qattiq tanqid ostiga olishmoqda. «Ko‘k samuraylar» Osiyo kubogidagi Ummon va Turkmaniston termalariga qarshi kechgan o‘yinlardan so‘ng yaxshigina bosim ostida qolishgan. Yaponiyaning eng mashxur sayti bo‘lgan «JFA.jp» ning yozishicha turnirda qatnashayotgan Yaponiya termasi kunchiqar yurtning yaqin o‘tmishidagi eng kuchsizi deya e’lon qilgan.
Biz shu saytdan olingan qiziq bir intervyuni e’tiboringizga havola etamiz
«O‘zbekiston Osiyoning eng kuchli terma jamoalaridan biri. Biz ularga qarshi kechadigan uchrashuvda iloji boricha ularni to‘psiz o‘ynashga majbur qilamiz. Yaponiya Osiyodagi har qanday raqibni mag‘lubiyatga uchratishga majbur jamoa! Avvalgi ikkita o‘yinimizdan futbolchilarning ham ko‘ngli to‘lmadi. Kelgusi o‘yinda to‘liq kuchimizni sarflab bo‘lsa ham, O‘zbekistonga muammolar yaratishga harakat qilamiz»,- deb intervyu bergan Yaponiya terma jamoasi a’zosi Gondo Shuichi.
Saudiya Arabistoni
«Sahro Lochinlari» o‘z kuchlariga har doimgidanda ko‘proq ishonishmoqda. Ularning asosiy e’tibori Qatarga qarshi kechadigan uchrashuvga qaratilgan desak, adashmagan bo‘lamiz. Bunga boshqa siyosiy sabablar ham ko‘rsatilgan. Xatto ba’zi saytlar «Bu uchrashuvdagi g‘alaba – turnir chempionligiga teng!»,- deb ham yozishmoqda! Saudiyani hozircha Qatardan boshqa mavzu qiziqtirmayapti.
Xulosa o‘rnida shuni aytish kerakki, endi terma jamoamiz hech kimdan qo‘rqmasligi kerak. Shuncha yillik hadikni bir chetga surib, Avstraliyami, Yaponiyami, Eronmi, farqi yo‘q, yo‘limizda uchragan to‘siqlarni yengishning ayni payti. Jamoamiz birlashib, o‘z kuchiga ishongan holda o‘yin ko‘rsatsa, ularni hech kim yenga olmaydi.
Yahyoxo‘ja Ulug‘xo‘jayev
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
