“Andijon” jamoasi dastlabki turni o‘z maydonida o‘tkazishi kerak edi. Biroq stadioni ta’mirda ekani sabab, PFL “Qizilqum” bilan o‘yinlar ketma-ketligini almashtirib berdi.
Biroq 3-turda ham “Andijon” shunday qila olmaydi. 5 aprel kuni “Lokomotiv” andijonliklarni o‘z maydonida qabul qila olmaydiki, chunki shu kuni “Paxtakor” ham o‘z uyida “Nasaf”ni qabul qiladi. 1 ta shaharda ikki uchrashuv mumkin emas. Na “Paxtakor” va na “Lokomotiv” o‘yinini surib bo‘ladi. Ular Chempionlar ligasida o‘ynaydi. Demak, “Andijon” o‘zi istagan boshqa stadionda o‘ynashi mumkin. Istasa Farg‘onada, kelisha olsa AGMK yoki “Metallurg” maydonida. Agar mutaxassislar maydon tayyor bo‘lib ulgurmaydi deyayotgan bo‘lsa, ularni eshitish shart.
“Navbahor” 1-turda o‘yinini o‘zgartira olmadi. Chunki uning raqibi “Qo‘qon-1912”da ham stadionda ish bor edi. Baxtga qarshi, “Navbahor”ning yana bir raqibi “Bunyodkor”da ham vaziyat shunday, stadioni ta’mirda. Demak, Namangan klubi yana maydon topishi kerak bo‘ladi. Sport-TV allaqachonlar uchrashuvlar vaqtini so‘rab yotibdi.
Vaziyat chigal, biroq oldinda yaxshi o‘yinlar, tekis maydonlar kutib turganini inobatga olib, sabr qilsak arziydi.
***
Aytgancha, Shota Arveladze mashg‘ulot o‘tkazishi uchun kamida 3 ta futbol maydoniga ega. Ammo kuni kecha shu masalada jig‘ibiyron bo‘lib yurgandi. Boisi, mavjud maydonlarni yaxshi holatda saqlash va vaziyatdan chiqib ketish uchun mutaxassisni buni kam deb hisoblaydi.
Yevropa futboli havosini ko‘rgan murabbiylarning bizning futbolga berishi mumkin bo‘lgan eng katta yordami ham aslida shu. Ular sharoitlardan tinimsiz noliydi va yaxshi sharoitni talab qilaveradi. Bizda rahbariyatdan jiddiy talab qilinmasa, o‘zidan kelib chiqib biror ish qiladigani kam.
Endi e’tibor bering, bugun maydonlarini yaxshilayotgan klublar haqida yozyapmiz, vaholanki ularda hali zaxira maydoni yo‘q. Tushunyapsizmi biz qaysi bosqichda turibmiz? Aslida Superliganing har bir klubida kamida 4-5 talab sifatli maydonlar bo‘lishi kerak. Bu esa asosiy maydon yaxshi holatda bo‘lishini ta’minlaydi. Haftasiga ikki rasmiy uchrashuv bitta futbol maydoni uchun yetarli, qolgani ortiqcha.
May oyida ishlab chiqiladigan 2020 yilgi mavsum uchun lisenziyalash talabiga har bir klub ma’lum gektor yerga maysa ekishi va uni soha mutaxassislari nazorati ostida o‘stirishi masalasi kiritiladi. Buning uchun 100 million so‘m ham ketmaydi, evaziga yangi mavsumda navbatdagi yaxshi chimni 3-4 milliard so‘mga sotib olish chiqimi yo‘qoladi. Nima demoqchiman, biz futbolni rivojlantirib tashlashdan ham oldinroq futbol o‘ynasa bo‘ladigan maydonlarga ega bo‘lishimiz kerak IMHO
Diyor Imomxo‘jayev
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
