Hozirgina yakunlangan Toshkent «Derbiy»sidan so‘ng o‘zbek futbolining yorqin yulduzlaridan biri, yosh bo‘lishiga qaramay ko‘plab muxlislar orttirgan iqtidorli futbolchi Jaloliddin Masharipovni suhbatga tortdik.
Avvalambor, g‘alaba muborak! O‘yin haqida fikrlaringiz
Rahmat, o‘yinga to‘xtaladigan bo‘lsam, raqib bizni bugun rosa yugurishga majbur qildi. To‘g‘risi, bunday qarshilikni kutmagan edik. Shunga qaramasdan, o‘yinimizni topib oldik va g‘alabani qo‘lga kiritdik.
Yoshlardan tashkil topgan klubga bugun g‘alaba uchun nima yetishmadi?
Bugun ularga ozgina tajriba yetishmadi deb o‘ylayman. Vaqt o‘tgani sayin tajriba ham sekin-asta yig‘lilib boradi. Umid qilaman, bu yigitlar o‘zbek futbolida o‘z so‘zlarini aytadilar.
Bugungi uchrahsuvda «Bunyodkor» futblchilardan qay birini alohida qayd etgan bo‘lar edingiz?
Umuman olganda, bugun ularda hamma yaxshi o‘ynadi.Ko‘rib tuibsiz ( kuladi) bizni tinkamizni quritishdi (Kuladi). Alohida aytish kerak bo‘lsa, 8-raqamdagi futbolchini o‘yini menga yoqdi.
Bilamiz biryo‘la ikkita frontda kurash olib borish juda mushkul. «Paxtakor» OCHLga urg‘uni kuchaytiradimi, yoki «Super Liga»gami?
To‘g‘ri, kurash olib borish juda mushkul, lekin hamma turnirlarda ijobiy natija ko‘rsatishga harakat qilamiz. Shunga qaramasdan, asosiy e’tiborni OCHLga qaratsak kerak. Chunki klub tomonidan bizga guruhdan chiqish vazifasi qo‘yilgan.
OCHL dagi navbatdagi uchrashuv oldidan muxlislarga nima degan bo‘lar edingiz?
Avvalambor, bugungi uchrashuvga tashrif buyurgan muxlislarimizga rahmat deb qolaman. Navbatdagi uchrashuvimizda bizni qo‘llab - quvvatlab turishlarini so‘rab qolgan bo‘lar edim
Yahyoxo‘ja Ulug‘xo‘jayev suhbatlashdi