Zamonamizning eng buyuk futbolchilaridan biri qimmatbaho buyumlarni yoqtiradi, deb yozadi«Sport-Ekspress» kolumnisti Dmitriy Somov.
Mol-mulk
Messining Barselonada kattagina uyi mavjud. U shahardagi eng obro‘li tuman Bellamarda joylashgan. Leo hovlini 2009-yilda, taxminan, 6 million yevro evaziga sotib olgan. Uy oynalaridan Garraf tog‘lari va O‘rtayer dengizi sohili ko‘rinib turadi. Uy ichi ham O‘rtayer dengizi uslubida rangli devorlar bilan o‘ralgan. Uyning pollari esa taxtadan ishlangan. Unda kattagina trenajyor zali ham joylashgan. Leo farzandlari uchun uyda o‘yin maydonchasi, basseyn ham qurgan. Va albatta hovlida kichik bo‘lsada futbol maydoni ham mavjud.
Mashinalar
Messi qimmatbaho mashinalar shaydosi. Uning kolleksiyasida qiymati 32 million yevro bo‘lgan Ferrari 335 S Spider Scagliyetti bor. Avtomobil 1957-yilda ishlab chiqarilgan. Mashina 2016-yil auksionda dunyoning eng qimmat avtomobili sifatida baholangandi. Ma’lum bo‘lishicha, mazkru Ferrari’ga Krishtianu Ronaldu ham da’vogar bo‘lgan, biroq Messi azaliy raqibini bu borada ortda qoldirgan. Noyob avtomobil vaqtida Formula 1 poygalarida ham ishtirok etgan. Messi, shuningdek, Ferrari F 4430 Spider – 280 ming yevro, Maserati Granturismo – 210 ming yevro, Audi Q7 – 90 ming yevro, Audi R8 – 220 ming yevro, dodge Charger SRT8 – 26 ming yevro, Lexus LX 570 – 66 yevro kabi avtoulovlarga ham egalik qiladi.
Foto: AS
Samolyot
Leo yaqindagina shaxsiy samolyot sotib oldi. Futbolchi havo layneri uchun 15 million yevro to‘lagani haqida bong urildi. Samolyotda yo‘lovchilar uchun 16 ta o‘rindiq bor. Ular bir vaqtda 8 ta karavotga aylanish imkoniyatiga ega. Bundan tashqari samolyotda 2 ta yuvinish xonachasi hamda 2 ta oshxona mavjud. Samolyotning dum qismida Messi o‘ynaydigan 10-raqam aks etgan. Samolyot zinasidan esa Messining oila a’zolari nomlari o‘rin olgan.
Foto: AS
Telefon
Messi narxi 1200 dollar bo‘lgan iPhone XSMax’ni sotib oladi. Ammo uni shu darajada bezatildiki, natijada uning narxi 7 ming yevroga ko‘tarildi. «Olma» 24 karat oltin bilan qoplangan. Telefonning ort qismida 10 raqami va Messi nomi tushirilgan. Uning pastrog‘ida esa oila a’zolari nomi aks ettirilgan: Antonella, Tiago, Chiro, Matteo.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
