Kecha bo‘lib o‘tgan «Lokomotiv» va «Andijon» klublari o‘rtasidagi uchrashuvdan so‘ng «Loko» hujumchisi Temurxo‘jani suhbatga tortdik.
Avvalambor, g‘alabalar muborak bo‘lsin. Jamoa so‘nggi turlarda birinchi bo‘limni juda bo‘sh o‘tkazmoqda. Ikkinchi bo‘limda esa, o‘ziga kelib natija ko‘rsatmoqda. Bu nima bilan bog‘liq?
To‘g‘risi, o‘zimiz ham shunisiga tushuna olmayapmiz. Jismoniy xolat bilan bog‘lig‘ bo‘lsa kerak.
Ertaga (ya’ni bugun) «Paxtakor» - «Nasaf» uchrashuvida kimga muxlislik qilasiz?
Bizga farqi yo‘q. Asosan, o‘zimizning o‘yinlarimizni yaxshiroq o‘tkazish haqida o‘ylasak, to‘g‘riroq bo‘ladi.
Demak, chempionlik uchun asosiy da’vogar «Paxtakor» ochko yo‘qotsa, zarracha xursand bo‘lmaysizmi?
(Kuladi) Bilmadim, keyingi savolga o‘ta qoling
Bilamiz, «Paxtakor» sizga begona emas. Agar sizga «Paxtakor» taklif bilan chiqsa, qabul qilasizmi?
Bu bo‘lishi mumkin emas. Aniq bilaman, «Paxtakor» hech qachon menga taklif bilan chiqmaydi.
Nega?
Chunki bu yerda meni hamma narsa qoniqtiradi. Jamoam ham, klubdagi sharoit ham ko‘nglimdagidek.
Bu savolga javob bo‘la olmaydi. Nega «Paxtakor»ga sizni taklif etishmaydi?
(Kuladi) nima desam ekan, chaqirishmaydi Tamom. Boshqacha javob bo‘lishi mumkin emas.
Jamoa OCHL da anchayin oson guruhga tushgan bo‘lsada, biroz sust ishtirok etmoqda?!
Mavsum boshi bo‘lgani uchun dastlabki 2 ta o‘yinda to‘liq imkoniyatlarimizni ko‘rsata olmadik. Qolgan turlarada bor kuchimiz bilan maydonda harakat qilib guruhdan chiqishga urunib ko‘ramiz.
Navbatdagi o‘yin «Al Ittihod» bilan safarda bo‘lib o‘tadi. Uchrashuvda durang natija «Loko» uchun qoniqarlimi?
Yo‘q unday demagan bo‘lardim. Hozirda guruhimizda hammada 3 ochkodan mavjud. Shunday ekan 9-aprel sanasida bo‘lb o‘tadigan o‘yinda ikkala jamoa ham 3 ochko uchun o‘ynaydi.
Vaqt ajratganingiz uchun rahmat. «Lokomotiv»dan g‘alabalar kutib qolamiz
Sizlarga ham rahmat. Nasib qilsa, muxlislarimizni xursand qilishda davom etamiz.
Y.U