Bugun, 8 aprel kuni Sport TV telekanalida Superliganing 3-turida bo‘lib o‘tgan bahsli voqealar, “Navbahor” sobiq murabbiyi Ilhom Mo‘minjonovning futboldan 5 yil muddatga chetlatilishi va “Paxtakor” – “Nasaf” o‘yini hakamlar harakatlariga oid ko‘rsatuv namoyish etildi.
Ko‘rsatuvga O‘zbekiston futboliga bog‘liq bir qator shaxslar taklif etildi. Ko‘rsatuv boshida hakamlarning o‘yin davomida qilgan ishlari tahlil qilindi. Stadion.uz muxbiri Abror Eshonxonov ushbu ko‘rsatuvni matn shaklida taqdim etdi.
“Paxtakor” – “Nasaf” uchrashuvi haqida
Bosh hakam: Aziz Asimov.
Jarima maydonchasi ichida Jalollidin Masharipovga nisbatan ishlatilgan qo‘pollik penalti edimi?
Ha, bu yaqqol penalti.
Izoh. Aziz Asimov bu vaziyatda Masharipov simulyasiya ishlatdi deb o‘ylagan.
Jarima maydonchasi ichida Masharipov tomonidan berilgan uzatma “Nasaf” himoyachisining qo‘liga tekkan vaziyat haqida nima deya olasiz?
Vaziyatda qo‘l tabiiy holatda bo‘lgan. Ya’ni vaziyat juda tez ro‘y berganligi sabab Asimov vaziyat qurboniga aylangan.
3. “Nasaf” futbolchisi birga-bir vaziyatga chiqib ketgan vaziyat offsaydmi?
Yo‘q.
Izoh. Qanot hakam yaqqol xato qilgan.
4. “Paxtakor”ning g‘alaba goli offsayddan urildimi?
Bu vaziyatda qanot hakami xato qilmagan, boisi himoyachi chap oyog‘i bilan to‘pni zarba beruvchi futbolchiga uzatib qo‘ygan.
Aziz Asimovning “Paxtakor” o‘yinlarini boshqarishdan chetlatish yoki jarimaga tortish mumkinmi ?
Yo‘q, chunki Superliganing talablariga javob beradigan hakamlar kam.
Hakamlarni boshqa bunday qo‘pol xatolarni takrorlamasliklari uchun qanday chora ko‘rish kerak?
Avvalo ushbu hakamning ustidan tegishli qo‘mitalarga arz qilinadi va uning darajasiga qarab chiqiladi barcha voqealar o‘rganib chiqiladi va yakuniy qaror qabul qilinadi.
Xayrulla Hamidov: Dunyodagi barcha hakamlar masalan: La Liga va Italiya “A” Seriyasida gegemon jamoalarga biroz yon bosadi, hattoki “Yuventus” – “Milan” uchrashuvida ham sharhlovchi “Yuve” virusini VAR ham to‘xtata olmayapti deya aytgan edi, bizda shu faktorlarga ham e’tibor beriladimi?
Javob: Ish olib borilyapti, bizda monitoring guruhi bor va ular hammasini tahlil qilishadi. Har bir o‘yindan keyin seminarlar tashkil qilinadi. Biz hakamlarga ko‘p marotaba barcha o‘yinni toza boshqarishni aytamiz.
“Navbahor” – “Bunyodkor” o‘yini haqida
Bosh hakam: Ilgiz Tantashev.
“Navbahor” futbolchisi jarima maydonchasi ichida nisbatan qo‘polllik qilganmi?
Ha, qo‘pollik bo‘lgan.
Jahongir Mehmonov “Bunyodkor” futbolchisiga nisbatan qo‘polllik ishlatganmi?
Ha, albatta bu FIFA darajasidagi hakam, bu vaziyatda Ilgiz Tantashev xato qilmagan.
“Bunyodkor” futbolchisi “lochinlar” futbolchisini yiqitganmidi?
Ha, futbolchi raqib futbolchini oyog‘ini bosib olgan.
AGMK – “Qo‘qon-1912” haqida
Bosh hakam: Sherzod Qosimov.
“Qo‘qon-1912” futbolchisi darvozaga berilgan zarbani qo‘li bilan to‘sdi, qoida bo‘yicha bunday hatti-harakatga qizil kartochka berilishi kerak, o‘sha vaziyatda qo‘qonliklar bosh murabbiyi No‘’mon Xasanov maydongacha chiqib kelishga botindi, xo‘sh bosh hakam nega uni chetlatmadi?
Javob: Hakamlar murabbiylarga qizil kartochka berish vakolati yo‘q. Ushbu qaror 1 iyuldan boshlab amal qiladi.
Nega unda texnik chiziq chizilgan?
Zahira hakam murabbiyning qarorini o‘zgartira ololmadi.
O‘yindan so‘ng, Hasanov jazolanishi mumkinmi?
Ha, hakam raportida ushbu vaziyatni PFLga yozma ravishda topshirsa. Qo‘mita vaziyatni o‘rganib chiqib, tegishli chora ko‘radi.
Ilhom Mo‘minjonov, Sherzod Sharipov va Dilshod Jabborovning ishi bo‘yicha.
O‘FA nega Ilhom Muminjovni keskin jazoladi?
Etika qo‘mitasi avvalo Ilhom Mo‘minjonov va futbolchi Ro‘zim Ahmedov boshida bo‘lib o‘tgan ziddiyatni o‘rganib chiqib, ular bilan suhbatlashdi va berilgan savollarga tegishli ravishda javob olmadi. OAV nashrlarida Ro‘zimboy Ahmedov isbotlab beraman degan so‘zlariga tayanib ashyoviy dalillar yig‘ildi.
Tegishli vakillarimiz bir qator futbolchilar bilan suhbat olib borishdi va kerakli dalillarni yig‘ishdi va bu qarorni qabul qilish uchun 3 oy vaqti ketdi. To‘g‘risini aytaman bunday vokea yaqin 20 yil ichida sodir bo‘lmagan.
Ishoning, ushbu voqea bo‘yicha Superligada o‘ynayotgan ayrim futbolchilar, klub rahbariyatida faoliyat olib boradigan mansabdor shaxslar ko‘rsatma berishgan.
Sherzod Sharipov va Dilshod Jabborovning bu voqeaga nima aloqasi bor?
Sharipov, Mo‘minjonovga bir necha yil davomida assistent bo‘lgan va u yolg‘on ko‘rsatma bergan. Keyinchalik yolg‘on ko‘rsatma berganini tan olib aybiga iqror bo‘lgan. Jabborov esa maydonda murabbiyning qarorini futbolchilarga o‘tkazishga harakat qilgan va bosim o‘tkazgani uchun jazolandi.
Ushbu holat korrupsiyaga tortmaydimi?
Yo‘q, u pul bilan ishlaydigan mansabdor shaxs emas, bilasiz O‘zbekiston jinoyat kodeksida har qanday ishni ikki oy ichida o‘rganilib chiqilishi kerak.
Qaror jiddiy qabul qilindimi yoki aybdor shaxslar apellyasiya bera oladimi?
Jazolangan shaxslar 10 kun davomida apellyasiya berishi mumkin.
Kim apellyasiya berdi?
Ha, Mo‘minjonov va Jabborov qayta ko‘rib chiqish uchun apellyasiya berdi.
Xulosa, to‘g‘risini aytsam men o‘zim qiziqtirgan savollarga yetarlicha javob oldim, lekin kelishilgan o‘yinlarda bitta jamoa qatnashmaydi.
Ko‘rsatuv ishtirokchilari bizga ikkinchi jamoa nomini aytishmadi. Qiziq, aybdor shaxslar nomi allaqachon fosh qilingan, ammo ikkinchi jamoani sirligicha qoldi...
Yana bir gap, ushbu ko‘rsatuv bunday muammolar yuzaga chiqqandan keyingina emas, balki har bir turdan keyin bo‘lib o‘tishini so‘raymiz. Ya’ni mutaxassislarning tahlili har doim futbol jamoatchiligi uchun suv va havodek zarur.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
