uchli beshlik doirasidagi ichki chempionatlarda eng ko‘p chempionlikni qaysi klublar rasmiylashtirgan? Aynan shu savolga bugun javob izlab ko‘ramiz.
Fransiya
«Liga 1» doirasida eng ko‘p chempionlikni nishonlagan jamoa «Sent-Etiyen» ekanligi ko‘pchilk uchun yangilik bo‘lsa, ajab emas. Ular 10 bor ichki chempionatda g‘olib bo‘lishning uddasidan chiqishgan. «Marsell» jamoasi 9 ta chempionlik bilam ikkinchi pog‘onani egallagan. 3-o‘rinni bir yo‘la ikki klub bo‘lishib turibdi. Hozirda anchagina kamtarin klubga aylangan «Nant» va «Monako» 8 bor finishga birinchi bo‘lib yetib kelishgan ekan.
Germaniya
«Bundesliga»da «Bavariya» yaqqol fovorit. Ular naqd 27 bor Germaniyada tengsiz deb topilgan bo‘lsa, ikkincho pog‘onani zabt etgan «Borussiya Dortmund» hisobida atigi 5 ta chempionlik mavjud. Bremenning «Verder» klubi 4 ta chempionlik bilan 3-pog‘onani zabt etib turibdi.
Italiya
«A seriya»da «Yuventus» qolganlardan ancha ilgarilab ketdi. Italiyadagi klublar hali beri «Yuve»dan bu ko‘rsatgich borasida o‘tib keta olmasligi aniq. Jamoa hisobida 34 ta skudetto mavjud. 2-o‘rinni Milan shahrining ikki klubi 18 ta chempionlik bilan egallab turibdi. Kuchli uchlikni «Djenoa» 9 ta chempionlik bilan yakunlab beradi.
Ispaniya
«El-Klassiko» sababli,butun dunyoning nigohida turuvchi chempionat hisoblanadi. Tarixida eng ko‘p chempionlik «Real Madrid» tomonidan qayd etilgan. Ular 33 bor «La Liga»da tengsiz topilgan bo‘lsa, azaliy raqiblari «Barselona» hisobida 25 ta chempionlik mavjud. Bu ikki
klubga so‘nggi yillarda ajoyib qarshilik ko‘rsatayotgan «Atletiko Madrid» hisobida 10 chempionlik mavjud.
Angliya
Dunyoning birinchi raqamli chempionati hisoblanadigan turnir tarixida hozircha «Manchester Yunayted»ga teng keladigan topilmayapti. Fergi boboning sharofati bilan qo‘lga kiritilgan bir necha APLning bosh sovrinlari klubni hozirgi kunimizga qadar 1-pog‘onada borishini ta’minlamoqda. Ular hisobida 20 ta chempionlik mavjud. Ikkinchi pog‘onada «Liverpul» 18 ta chempionlik bilan «Manchester Yunayted»ni ta’qib qilib kelmoqda. Bu mavsumda chempionlik uchun jiddiy kurash olib borayotgan «Liverpul» 19-chempionligini qo‘lga kiritsa, azaliy raqiblariga ancha yaqinlashib oladi. 3-pog‘onadagi kamtarin «Arsenal» hisobida 13 ta chempionlik mavjud.