Yodingizda bo‘lsa, 2006-yildagi «Kalchapoli» nomi bilan tarixda qolgan kelishilgan o‘yinlar mash-mashasi ortidan «Yuventus» katta jabr ko‘rgan, chempionlikdan mahrum qilingani yetmagandek, «B» seriyaga tushirib yuborilgan edi. Klub boshiga og‘ir kunlar kelganida Nedved, Del Piyero, Buffon, Kiyellini, Trezege singari futbolchilar mardonavor turib berishgan bo‘lsa, ayrim «jonkuyar» futbolchilar tezda klub almashtirish g‘amiga tushib qolishgan edi. Bugun klubni og‘ir damda tark etgan futbolchilari haqida qisqacha
Emerson
«Puma» laqabli futbolchi klubni birinchilardan bo‘lib tark etgani bilan ko‘pchilikning yodida qolgan bo‘lsa, ajab emas. «Real Madrid»da bir mavsum o‘tkazgan futbolchi o‘zini ko‘rsata olmadi va «Milan» safiga o‘tib ketdi. Afsuski, omadsizlik uni «Milan»da ham tinch qo‘ymadi. Oqibatda, futbolchi Braziliyaga yo‘l olishga majbur bo‘ldi. Eng qizig‘i shundaki, futbolchilik faoliyati tugaganini e’lon qilganidan 7 yil o‘tib 43 yoshida yana futbolga qaytgan qahramonimiz hozirda «MLS» da to‘p surmoqda.
Zambrotta
O‘sha yili JCHda g‘oliblikni qo‘lga kiritgan futbolchi klub safida og‘ir kunlarini o‘tkazishni istamadi va amaldagi YCHL g‘olibi «Barselona»ga o‘tib ketadi. O‘z kelajagi uchun qattiq qayg‘urgan futbolchi 2 mavsum davomida Ispaniyada aytarli hech narsa yuta olmaydi va «Milan»ga qaytishga majbur bo‘ladi. «Milan» uning kariyerasidagi so‘nggi katta klub bo‘lib tarixda qoldi. So‘ngra bir nechta kichik klublarda top surgan futbolchining butsalarini mixga ilganini ko‘pchik bilmay ham qoldi…
Mutu
Eng omadsiz futbolchilardan biri sifatida tarixda qolgan ruminiyalik futbolchi «B seriya»da «Yuventus» safida to‘p surishdan ko‘ra «Fiorentina»ni tanlaydi. Ajoyib 4 mavsumni o‘tkazgan futbolchining qonidan topilgan doping evaziga futboldan chetlatilgan qahramonimiz yana futbolga qaytish uchun o‘zida kuch topa oladi.
Yana 5 ta klub almashtirgan bo‘lsada, afsuski, futbol olamida o‘z so‘zini ayta olmay ko‘pchilikning yodidan ham chiqib ketdi.
Fabio Kannavaro
«Yuventus» tarkibidagi super yulduz sanaladigan futbolchi klub muammolar o‘chog‘ida qolishi bilan «Real Madrid» safiga o‘tib ketadi. Madriddagi 3 ta mavsumdan so‘ng «Yuventus»ga qaytgan futbolchini muxlislar o‘ta sovuq qabul qilishadi. O‘zining so‘nggi mavsumini «Ko‘hna senyora» safida o‘tkazgan futbolchi hozirda Xitoy milliy terma jamoasi bosh murabbiyi vazifasida faoliyat olib bormoqda
Zlatan Ibrahimovich
«Yuventus» pastga sho‘ng‘iganini ko‘rgan Ibra mashxurlik istab «Inter»ga sotib yuborishlarini talab qiladi. Klub uning istagini qondirishdan boshqa yo‘l topa olmaydi. To‘g‘ri, futbolchi «Inter»ga o‘tgach ichki chemnpionatda g‘olib bo‘ladi. Keyin «Barselona», «Milan», «PSJ», «Manchester Yunayted» singari super klublarda to‘p surgan fantastik iqtidor egasi birorta jiddiy sovrinni qo‘lga kiritishni uddasidan chiqa olmaganiga ishonish qiyin.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
