Ispaniya chempionatining ushbu mavsumi tugashiga 3 tur qolganida "Barselona" Ispaniya La ligasi g‘olibligini rasmiylashtirdi. Bugun "Kamp Nou"da "Levante" klubi mehmon bo‘ldi.
Valverde jamoa yetakchilari — Messi, Buskets va Serxio Busketsni zaxirada qoldirdi. Shunga qaramay, mezbonlar birinchi bo‘limni ancha faol o‘tkazishdi. "Ko‘k-anorranglilar" raqib darvozasi tomon ko‘plab zarbalar yo‘llashdi. "Levante" posboni Aytor Fernandes bir qator seyvlar namoyish qilib, tanaffusga qadar o‘z darvozasi daxlsizligini saqlab qoldi.
Ikkinchi taym boshida maydonga Messi tushirildi. Nihoyat o‘yinning 62-daqiqasida hisob ochildi. Mezbonlar uyushtirgan hujumni valensiyaliklar bartaraf etgandek ko‘rinishgandi, ammo yordamga yetib kelgan Arturo Vidal to‘pni egallab oldi va bosh bilan Lionelga uzatma berdi. Messi bir himoyachini chalg‘itish bilan barobarida to‘pni chap oyog‘iga to‘g‘rilab, unchalik kuchli bo‘lmagan zarba berdi. To‘p burchakka borib tushdi.
Butun o‘yin davomida hujumga o‘tmayotgan mehmonlar vaziyatni o‘nglash maqsadida bir nechta hujumlar tashkil qilishdi. Ayniqsa, Morales yakkama-yakka vaziyatga chiqib gol ura olmagani "Barsa" muxlislariga yoqib tushdi, ammo bu vaziyatlar Valverdeni ancha asabiylashtirdi.
O‘yinning asosiy vaqti tugashiga 1 daqiqa qolganida "Levante" gol urib, "Barselona"ning bugungi bayramini buzib qo‘yishi mumkin edi. Ammo to‘p ustunga tegib qaytdi va uni ter Shtegen egallab oldi. O‘yinga qo‘shib berilgan daqiqalarda valensiyaliklar burchak to‘pini o‘yinga kiritgan paytda darvozabon Aytor Fernandes mezbon jamoa jarima maydonchasiga yetib keldi. Ammo kataloniyaliklar xavfni bartaraf etishdi va g‘alabani ushlab qolishdi.
Chempionat tugashiga 3 tur qolganida "Barselona" va "Atletiko" jamoalari o‘rtasidagi farq 9 ochkoni tashkil qilmoqda. O‘zaro o‘yinlar natijasiga ko‘ra "ko‘k-anorranglilar" raqibdan ustunlikka ega. Shu bois, "Barsa" o‘z tarixida 26-chempionlikni qo‘lga kiritdi.
"Barcelona" campeones 2019!
Ispaniya La ligasi, 35-tur
BARSELONA – LEVANTE - 1:0 (0:0, 1:0)
Gol: 1:0 – 62 Messi.
Barselona – ter Stegen, Pike, Langle, Nelson Semedu, Alba, Artur (Buskets, 73), Rakitich, Koutinyo (Messi, 46), Vidal, Dembele (Serdji Roberto, 84), Suares.
Levante – Fernandes, Ruben Vezu, Rober, Luna, Koke, Rochina (Marti, 84), Kampanya, Djeyson, Vukchevich (Bardi, 65), Saymon (Morales, 46), Mayoral.
Ogohlantirishlar: Rakitich (14), Rochina (56), Ruben Vezu (58), Pike (70), Nelson Semedu (77), Koke (83), Buskets (90).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
