9 may – Xotira va qadrlash kuni munosabati bilan bugun bayram tadbirlari uchun Humo Arena saroyi hududi xalq sayli maskaniga aylantiriladi. Hududga ikkinchi jahon urushi mavzusidagi sahnalashtirilgan dekorasiyalar o‘rnatildi. Bu haqda Worldnews.uz axborot agentligi xabar bermoqda.
Harbiy orkestr ham bayramga o‘zgacha jilo beradi, istaganlar esa jangovor harbiylar taomlaridan tatib ko‘rishlari mumkin.
7 may kun esa bayram munosabati bilan Humo Arena muz saroyida katta konsert uyushtirilishi va unda Oleg Gazmanov, Ozodbek Nazarbekov, Sevara Nazarxon, Yulduz Usmonova va Italiyaning Ricchi e Poveri guruhi ishtirok etishi reja qilingan.
Bundan tashqari, muz ustida figurali uchish bo‘yicha Olimpiya, Yevropa va jahon chempionlari Margarita Drobyazko va Povilas Vanagas, Mariya Petrova va Aleksy Tixonov, Yeleni Yovanovich va Nodari Maysuradze, Aleksey Yagudin, Adelina Sotnikova, Tatyana Navki va Roman Kostomarovlar ko‘rinish beradilar.