17 may kuni Qashqadaryo viloyati Qarshi shahrida viloyatdagi oliy ta’lim muassasalari muassasalari talabalari o‘rtasida yugurish marafoni o‘tkazildi.
Musobaqa Prezidentimizning 2018 yil 18 dekabrdagi “Yuqumli bo‘lmagan kasalliklar profilaktikasi, sog‘lom turmush tarzini qo‘llab-quvvatlash va aholining jismoniy faolligi darajasini oshirish chora-tadbirlari to‘g‘risida”gi qarori hamda Davlatimiz rahbari tomonidan ilgari surilayotgan beshta muhim tashabbusning ikkinchisi yoshlarni jismoniy chiniqtirish, sport sohasida qobiliyatini namoyon qilishlari uchun zarur sharoitlar yaratish bo‘yicha berilgan topshiriqlari ijrosini ta’minlash maqsadida tashkil etildi.
Viloyat jismoniy tarbiya va sport boshqarmasi tashabbusi bilan tashkil etilgan mazkur musobaqada Qarshi davlat universiteti, Qarshi muhandislik iqtisodiyot instituti va Toshkent axborot texnologiyalari universiteti Qarshi filiali oliy o‘quv yurtlaridan 12000 nafarga yaqin talaba yoshlar ishtirok etishdi.
Ishtirokchilar Mustaqillik shoh ko‘chasida joylashgan Qarshi ixtisoslashtirilgan olimpiya zaxiralari maktab internatidan Amfiteatrgacha bo‘lgan masofani bosib o‘tishdi.
Yugurish natijalariga ko‘ra quyidagi talabalar marraga birinchilardan bo‘lib yetib kelishdi.
O‘g‘il bolalar o‘rtasida:
I o‘rin: Raxmatov Islombek (QarDU)
II o‘rin: Avazov Odil (QarDU)
III o‘rin: Jo‘rayev Botir (QarMII)
Qiz bolalar o‘rtasida:
I o‘rin: Jo‘rayeva Go‘zal (QarDU)
II o‘rin: Saidmurodova Gulbadan (QarMII)
III o‘rin: Meliqulova Mohichehra(QarDU)
Musobaqada o‘z irodalarini namoyon etib g‘olib hamda sovrindorlar qatoridan joy olgan yoshlar viloyat jismoniy tarbiya va sport boshqarmasi, shuningdek, oliy ta’lim muassasalari tomonidan diplom va esdalik sovg‘alari bilan taqdirlandilar.