Futbolning ajralmas bo‘lagi sanaladigan transfer oynasidagi yangiliklar bilan siz aziz muxlislarni tanishtirib o‘tishda davom etamiz. Bugungi kunning eng shov-shuvli xabarlari bilan tanishing.
Hamas Rodriges bir oyog‘i bilan«Napoli»da
«Bavariya» klubidagi ijobiy mavsumlardan so‘ng, Kolumbiyalik futbolchi yana «Real Madrid»ga qaytishni istamayapti. «Hozirda unga bir nechta klublardan taklif bo‘lsada, futbolchining o‘zi Italiyaga yo‘l olishni juda istamoqda», - deb xabar bermoqda «Le Gazetta Della Sport» nashri. Unda aytilishicha, futbolchining xizmatlariga shaxsan «Napoli» ustozi Karlo Anchelotti qiziqish bildirmoqda. Italiyalik murabbiy Hamesni “«Napoli»ning chempionlikni qo‘lga kiritishi uchun yetishmayotgan masallig‘i”, - deb atagan edi. Hozirda «Napoli» klubi «Real Madrid»ga futbolchi uchun 42 million yevro taklif qildi.
Almashtirib bo‘lmas futbolchi yo‘q!
«Manchester Yunayted» klubi o‘z darvozabonining ishtiyoqsizlik va mas’uliyatsizlik bilan jamoa uchun jon kuydirmay qo‘ygani sababli sotib yuborish niyyatida. Bundan avval xabar berganimizdek, klub uni sotib yuborish taraddudida. De Xeaning o‘rniga esa «Atletiko Madrid» posboni Yan Oblakni harid qilishni rejalashtirgan va bu rejasini amalga oshirish maqsadida futbolchining agenti bilan uchrashib olishga ham ulgurgan deb yozmoqda «Marca» nashri. Manbaaning xabar berishicha, futbolchining o‘zi tezroq «Atletiko Madrid»ni tark etish niyyatida. Hozirda Oblak o‘zining eng pik formasiga chiqqan va agarda tezroq top klubga o‘tmasa, boshqa bunday imkoniyat bo‘lmasligi mumkin degan fikrda. Oblak «Atletiko Madrid»ni yana o‘rtamiyona klublar safiga qo‘shilib qolishidan havotirda.
Pogbaning o‘rinbosari topildi
«APLning ikki grand klubi muzokaralar boshladi», - deb xabar tarqatmoqda «A C» nashri. Unda bayon qilinishicha, «Manchester Yunayted» klubini tark etishi kutilayotgan Pol Pogbaning o‘rnini «Tottenhem» futbolchisi sanaladigan Kristian Eriksen orqali to‘ldirish niyyatida. Tomonlar futbolchining transfer summasi borasida ham kelishuvga erishishga ulgurishdi. Manba tarqatgan xabarga ko‘ra Eriksen 80 million Yevroga baholangan. Futbolchining o‘zi esa klubdan tezroq ketish niyyatida va istalgan taklifni ko‘rib chiqishga tayyor. U «Tottenhem»dagi sovrinsiz faoliyatidan charchaganini va hayotida o‘zgarishlar qilish vaqti kelganini YCHL finalidan so‘ng ommaga e’lon qilgan edi.
«Roma»ga yangi 9-raqam egasi kerak!
Italiyaning «Roma» klubi «Inter» safiga o‘tishga yaqin turgan Edin Djekoning o‘rninga nomdor xujumchi izlamoqda. «Le Gazzeta Della Sport»ning xabar berishicha, «Ko‘k-qoralar» «Chelsi»da ishi yurishmagan Iguainni tarkibiga qo‘shib olish taraddudida yuribdi. Futbolchining o‘zi APLda qolish niyyati yo‘qligini, agarda Sarri klubdan ketsa, yana «A seria»ga qaytishi mumkinligini e’lon qilgan edi. Hozircha «Chelsi» klubi murabbiy borasida yakuniy qarorga kelganicha yo‘q. «Yuventus» klubi esa Sarrining kelishiga tobora ishonib qolmoqda. Umumiy qilib aytganda, Iguainning yangi «Roma» safiga o‘tishi Sarrining klubda qolish qolmasligiga bog‘liq!
Robben o‘z hizmatlarini «Latsio»ga taklif qildi
Gollandiya terma jamoasining sobiq sardori o‘z hizmatlarini «Latsio» klubiga taklif qildi. Futbolchi «Bavariya»dan ketgach, erkin agentga aylangan bo‘lsada, kuchsiz klublar tomonidan tushgan takliflarga rad javobini berib kelmoqda. U Miroslav Kloze singari so‘nggi mavsumlarini biroz tezligi pastroq «A seriada» o‘tkazish orqali o‘z formasini saqlab turishni ko‘zlagan. Hozircha Rim klubi futbolchining agentlari bilan aloqaga chiqqanicha yo‘q. Rahbariyat jarohatlar bilan o‘ralashib yuradigan futbolchini xarid qilishdan cho‘chimoqda. Jamoa ustozi esa uning xarid qilish kerakligini rahbarlarga tushuntirishga urunmoqda. Juda chigvaziyat, shunday emasmi?
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
