Kecha, poytaxtimizdagi “Humo arena”da “Olimpiya kuni” katta shodiyona bilan nishonlandi. Aytish mumkinki, bu bayram barcha sport ixlosmandlarini, federasiya va assosiasiya vakillarini, qalbi jo‘shqin yoshlarni o‘zida birlashtira oldi. “Humo arena” atrofida mehmonlar uchun barcha sport turlari bo‘yicha ko‘rgazmali chiqishlar namoyish etilgan bo‘lsa, chinakam tadbir 19:00 da boshlandi.
dastur avvalida boshlovchilar uzoq va yaqin o‘tmishimizdagi, zamonimizdagi sport afsonalarini taklif etib, O‘zbekiston Respublikasi davlat madhiyasi sadosi ostida tadbirning ochilish marosimi boshlandi. Shundan so‘ng muxlislarga “Olimpiya kuni” haqida yana bir bor ma’lumot berilib, Xalqaro Olimpiya qo‘mitasi prezidenti Tomas Baxning bayram tabrigi eshittirildi.
Tadbirning ochilish marosimida O‘zbekiston Respublikasi prezidenti maslahatchisi Abdujabbor Abduvoxidov, Bosh vazir o‘rinbosari Aziz Abduhakimov va MOQ rahbari Rustam Shoabdurahmonov so‘zga chiqib, muhtaram yurtboshimiz boshchiligida sportga qaratilayotgan e’tibor, sportchilarimizning xalqaro maydonda qayd etayotgan yuqori natijalari, jismoniy tarbiya va sportning hayotimizdagi ahamiyati haqida to‘xtaldilar va sportchilarimizga bo‘lajak Olimpiada yo‘lida ulkan zafarlar tilab qolishdi.
Tadbirning eng e’tiborli jihatlaridan biri Tokio Olimpiadasiga teskari sanoq berilishi bo‘ldi. Katta ahamiyatga ega mazkur vazifani sport faxriylari kengashi raisi Komiljon Xudoyberganov, gimnastika afsonasi Oksana Chusovitina va sportga endi qadam qo‘yayotgan yosh vakillarimizlan biri birgalikda bajarishdi. Ramziy tugma bosilgach, Tokio Olimpiadasiga roppa-rosa 383 kun qolganini ifodalovchi teskari sanoq ham ishga tushdi.
Cportchilarimiz nafaqat maydonda, balki ijodda ham serqirra. Tadbir davomida ko‘zga ko‘ringan atletlarimiz O‘zbekiston xalq shoiri Erkin Vohidov qalamiga mansub “O‘zbegim” she’ridan parchalar aytib, muxlislarga adabiyot bobida ham namuna ekanliklarini ko‘rsatishdi. Shundan so‘ng teatrlashtirilgan sahna ko‘rinishlari, san’atkorlar qo‘shig‘iga sportchilarimizning badiiy chiqishi kechaga yanada ko‘rk berdi. Shuning bilan yig‘ilgan muxlislar, sportimiz va estradamiz yulduzlari ishtirokida “Olimpiya kuni”ga bag‘ishlangan kata gala-konsert boshlanib ketdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
