Turinning «Yuventus» klubi futbolchisi Krishtiyanu Ronaldu klub rasmiy saytiga mavsum oldi tayyorgalik chog‘ida kichik intervyu berdi. Unda futbolchining Leo Messi haqida bildirgan fikrlari internet olamida kichik fursatda ommalashib ketdi. Bugun Ronalduning Messi haqida bildirgan eng so‘nggi fikrlarini sizlar uchun tarjima qildik va uni e’tiboringizga taqdim etamiz.
Biz uzoq muddat davomida bir chempionatda to‘p surganimiz bois ancha yaqinlashdik. Aslida men va Messi o‘rtasida doimo do‘stona munosabatlar hukm surgan. Bizni dushman deb o‘ylaganlar adashadi. Afsuski, internet olamida men va Messi o‘rtasida aloqalar juda sovuq degan fikr uyg‘ongan va hamma bunga mutloq ishonib qolgan. Biz u bilan birgalikda dunyo futbolidagi eng qudratli kuchga aylanganimizga 10 yildan oshmoqda.
Afsuski, yakunlangan mavsum men uchun eng omadlisi bo‘lmadi. Aslida «oltin to‘p»ni sovrinlar yutgan futbolchiga berishlarsh zarur. Bu mavsumda Messi mendan ko‘proq gol kiritdi va «oltin to‘p» uchun u mendan ko‘ra yaqinroq. Shunday bo‘lsada, so‘nggi yillarda men undan ko‘proq sovrinlar yutishga muvaffaq bo‘ldim. Bu fakt! Kimdir Messini dunyoning eng kuchli futbolchisi deb o‘ylashi mumkin, lekin mening fikrimcha dunyoning eng kuchli futbolchisi Krishtiyanu Ronaldu! Men 12 yildan beri o‘ta yuqori darajada futbol namoyish etib kelyapman. Menga shunday qila olgan birorta futbolchini ko‘rsata olasizmi?
Sen sayyoradagi 1 – raqamli futbolchimisan, yoki 2- raqamli buning sira ahamiyati yo‘q. Eng muhimi sen jamoangga qanday sovrin yutib bera olding? Ana shunisi juda muhim.
Messi bilan raqobatlashish borasida sira hayajonlanmayman. Shunisi aniqki, agarda ikkimiz bir jamoada to‘p surganimizda menda «oltin to‘p»
sovrini ko‘proq bo‘lgan bo‘lar edi.
Messining ajoyib futbolchi ekanligini hamma juda yaxshi biladi. Shaxsan men uning chap oyog‘iga juda havas qilaman. Uning chap oyog‘I menikidan bir necha barobar kuchliroq, lekin mening o‘ng oyog‘im Messinikidan foydaliroq desam, adashmagan bo‘laman. Yakunlangan mavsum men uchun bundan avvalgilariga nisbatan o‘zgachaligi bilan ajralib turdi. Italiya ko‘rkam va ajoyib yurt. Men albatta bu davlatda to‘p suraman deb niyat qilgan edim va niyatimga erishdim. Men uchun jamoaviy sovrin hamma narsadan muhim. Tan olish lozim, men qachondir futbol o‘ynashdan to‘xtayman. Ana shunda insonlar mening natijalarimni ko‘rib hayratda qolishlari uchun tinimsiz o‘z ustimda ishlashim lozim. Vaqt esa tobora oz qolmoqda…
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов.jpg)
Қаҳрамон Асланов
Шуҳрат Шокиржонов
Шерзод Ражабов
